Latijnse gedichten 1607-1620

118 30 12 1617 Ged., dl. 1 p. 109
Ad patrem, cum ipsi ‘Querelam Bataviae’, cantionem hexaphonen, kal. ian. offerremaant.

Si patriae dubius (quam dii prohibete!) ruinam

intueor, lacrimas poscere visa fuit.

Si subis optatas referens optate Kalendas,

carmina, concentus, gaudia, Iane, petis.

Si libet in superas oculum convertere sedes,

torva iubent humiles fundier astra preces.

Hinc triplicem (nam sic, Hollanda tragoedia, suades)

personam triplici munere functus ago.

Ploro, celebro, precor - patriam, Dionysia, divos -

flente, sacra, gemina - lumine, voce, manu.

Accipe ridentes, rerum dulcissime, fletus;

cantantes lacrimas (vix mihi credo) damus.

Constanter.
1618.