Latijnse gedichten 1607-1620

[p. 186]

(117 (Latijn) (Vervolg))aant.

Desine - da veniam verbis, miseranda malorum

patria congeries, non nisi vera loquor -

desine constanti per Iberica ferra, per ignes

sanguine signatam commaculare fidem.

Excute quicquid habent caecae fallacia noctis

dogmata, doctrinae dogmata strata novae.

Si tamen, o, aliquis libeat novitatis amanti

esse, licet, factum comprobo; prome virum,

exue cum veteri veterum contagia morum

pellicula; sic iam, sic novus esse potes.

Sic modo, sed grata superis novitate novatus

(annue, Rex superum), sic novus annus erit.

Constanter.