Latijnse gedichten 1607-1620

[p. 168]

110 ±11 11 1616 Ged., dl. 1 p. 85
In prodigiosum academiae Lugduno-Batavae incendium, quo tantum non tota conflagravit, proprid. id. novemb. 1616aant.

Vidimus horrendas subito sacra pulpita flammas

tectaque Cecropiae lapsa vorare deae,

pulpita non flammis, non talibus illa ruinis

Auriaca quondam tecta sacrata manu.

Magne Deus! Quas mente, Pater, quas concipis iras?

Quas rapido terris incutis igne minas?

Si quid in humanos valeant praesagia casus,

arguit hoc turbas, turbida Leida, tuas.

Heu! Sophiae sine lite nutrix, sine crimine mater!

Heu! Batavi quondam floscule, Leida, soli!

En, quid agis? Proprio laceras praecordia morsu:

dissidium, rixas, iurgia, bella foves.

Scilicet hostilis cecidere incendia flammae,

ustor Iberus abest, ureris igne tuo!