Latijnse gedichten 1607-1620

93 ←24 02 1613 Ged., dl. 1 p. 44
Votum pro illustrissimo principe Henrico in Angliam navigaturo, ad Aeolum et Neptunumaant.

Aeole, ventorum pater, et tu, caerule divum,
oceani qui sorte tenes et flectis habenas,
percipite haec animis et, si sint mollia fandi
tempora, supplicibus date sint sua pondera votis.

Albionum medio posita est circumflua ponto

insula dives opum, validis habitata Britannis.
Nuper in hanc (nam quas terrae non pervolat oras?)
parvus Amor motis placide devenerat alis.
Neu foret illa suis regio non cognita flammis,
perculit hic quandam praestanti corpore nympham,
quae, quantum specie superat formosior omnes,
tantum etiam generis titulo supereminet omnes.