Latijnse gedichten 1607-1620

[p. 102]

78 ←04 09 1611 Ged., dl. 1 p. 33
In psalmos Davidis a Theodoro Beza et Clemente Marot Gallico carmine translatos Constantini et lectoris dialogusaant.

l: Fare, age, quodnam opus hoc? c: Psalmorum Davidis. l: At quis

versibus ornavit? c: Beza Maroque viri.

l: Beza Maroque viri? Sed quis Maro, num vetus ille

qui cecinit Phrygii carmine facta viri?

c: Non, sed et ille Maro, qui quantum versibus alter

hexametris tantum praestitit ille suis.

Totum equidem solus iam perfecturus, at illi

fregere inceptum (heu!) fata sinistra suum.

l: Mira refers. Sed Beza quis est? Dic hoc quoque. c: Talis,

cui nec habent, nec sunt saecla habitura parem.

l: O opus egregium, cedris et pumice dignum,

dignum ut tollatur nomen ad astra tuum!

O labor eximius regis, Bezae atque Maronis!

Tres poterant melius iungere fata viros?

Annor. 14, 1611.