Briefwisseling van Hugo Grotius. Deel 13

5603. 1642 februari 15. Aan W. de Groot.¹

Mi frater,

Poterunt et Morellius hic et Blavius illic vendere Consultationem Cassandri cum annexis.² Quo plura sunt exempla, eo magis legetur liber, si quid iudico, hoc tempore utilissimus.

Galli cladem accepere ad Perpinianum. Ea an quid mutatura sit in regis consiliis, videbimus.

Semina ad christianam concordiam iacere quisque debemus, dum vivimus, εὐϰαίϱως ἀϰαίϱως, ad messem perventura, ubi Deus voluerit, qui saepe per malos hominum conatus sua bona consulta exsequitur et ϑεϱαπείαν facit δι᾽ ἐναντίων. Quod et nunc fieri poterit, ubi coeperit ἐν παϱαϰμῇ esse morbus iste calvinisticus, qui ultra iam quo procedat non habet.

1 Gedrukt Epist., p. 933 App. no. 587. Antw. op no. 5588, beantw. d. no. 5618.

2 De bundel Via ad pacem ecclesiasticam met daarin de Annotata ad Consultationem Cassandri verscheen in maart 1642 bij Gilles Morel te Parijs (BG no. 1166) en in augustus 1642 bij Blaeu te Amsterdam (BG no. 1167).

[p. 91]

De Anthologia³ quae dicis videntur mihi probabilia. Itaque remittes ad nos librum, ubi primum poteris tuto. Exempla Iuris belli ac pacis⁴ exspectabo et editiones tum Notarum ad Lucanum,⁵ tum παϱαλιπομένων ποιηματίων.

Amstelodamo gratulor de consulibus bonis.⁶ Deus diu servet in optimis consiliis ultimos Batavorum.

Mitto tibi Hibernorum postulata,⁷ quae hic favorabiliter accipiuntur. Quid apud vos prudentes de iis iudicent, avebo cognoscere. Ad Perpinianum⁸ Galli caesi sunt. Periere ferme bis mille. In urbem invecti ab Hispanis milites et commeatus. Quo rex accepto hoc nuntio iturus sit, coniectabimus ubi Lugdunum venerit.

Deus te cum matre, uxore, liberis servet,

tibi obligatissimus frater,
H. Grotius.

3 BG no. 534; de uitgave verscheen pas in de jaren 1795-1822. De persklare kopij was al in 1638 naar de Republiek overgebracht; vgl. no. 3569 (dl. IX).

4 BG no. 571; de uitgave zou binnen enkele weken bij Blaeu verschijnen.

5 Grotius' nieuwe aantekeningen bij Lucanus verschenen in 1643 (BG nos. 430 en 431). De hierna vermelde uitgave van de poemata kwam niet tot stand.

6 Op 2 februari had in Amsterdam de burgemeesterswisseling plaatsgevonden.

7 De Gazette was op 12 februari uitgekomen met een ‘extraordinaire’ waarin de vertaalde tekst was opgenomen van The generall remonstrance or declaration of the catholikes of Ireland van 23 oktober 1641; zie Gazette 1642, no. 19.

8 Deze berichten komen ook voor in Grotius' nieuwsbrieven van 15 februari.

Lutetiae, 15 Februarii 1642.

Cardinalis⁹ Bichius iam Aquas Sextias advenit legatus a papa commendandae pacis causa. Lucernenses, Abbaticellani et Friburgenses in Helvetiis dilectum Gallis non permittunt. Astrologi bella Helvetiis praedicunt.

9 In de Epist. treft men de lezing ‘cum malis’ aan.