Briefwisseling van Hugo Grotius. Deel 12

5278. 1641 juli 14. Van W. de Groot.¹

Frater optime,

Prodiit iterum his diebus novus Antichristo adversarius Cocceus,² professor linguae sanctae Franequerae, quem ad te missurum se recepit Vergoesius.³ Ego occasione nuptiarum, ad quas ab amico evocatus sum, cras cum uxore Amstelodamum cogito, ut illic Blavium urgeam, ne diutius expectationem omnium frustretur.

Ad Geneppam bene se res habent, sed melius se obsessi defendunt quam cogitarant multi. Ad Airam non magis festinatur a Gallis et metus est a Lamboio,⁴ ne nimirum victoriae Sedanensis gloria inflatus castra ad Airam oppugnare aut obsessores commeatu prohibere tentet.

In Anglia omnia non minus quam antehac sunt turbulenta. Indicitur illic tributum satis grave. Exercitus Scotorum nondum dissolvitur. Dimittitur regina mater,⁵ quae, ut illic fertur, in Italiam navigat, ut vero hic aliqui verentur, forte Sedanum se conferet non parvum illis partibus adiectura momentum.

1 Hs. Den Haag, ARA. Eerste afd., coll. Hugo de Gr. Aanw. 1911 XXIII no. 24, 202. Eigenh. oorspr. Tezamen met no. 5290 antw. op no. 5263; beantw. d. no. 5294.

2 Johannes Cocceius (1603-1669), in de jaren 1636-1650 professor hebreeuws en in 1643-1650 tevens professor theologie in Franeker, in 1650-1669 professor theologie te Leiden. Vgl. NNBW I, kol. 616vv. Tegen Grotius' Commentatio de Antichristo (BG no. 1100) publiceerde hij Brevis repetitio quorundam illustrium locorum Veteris et Novi Testamenti, qui de Antichristo agunt, ut 2 Thess. II, Matth. XXIV, Dan. II, VII et XI, Apoc. XIII et XVII, 1 Joh. II et IV, attextis et insertis aliis eiusdem aut similis argumenti ad receptae in ecclesiis orthodoxis sententiae illustrationem et confirmationem, occasione commentarii ἀδεσπότου editi a. 1640, Amsterodami instituta piorumque et doctorum submissa iudiciis a Iohanne Cocceio S. Linguae professore in Academia Franecarana, Franekerae, typis Idsardi Albert, eiusdemque et Ioannis Arcerii impensis, anno 1641; vgl. BG no. 1100 rem. 5.

3 Vermoedelijk Willem van der Goes (no. 4995 n. 15).

4 Wilhelm, baron van Lamboy (no. 5005 n. 12).

5 Maria de' Medici reisde in september 1641 via de Republiek naar Keulen.

[p. 403]

Tapetia aurata, quae uxor hic fieri curavit, Amstelodamum misi, inde porro ad vos missurus. Rationes tam priorum, quae iam puto acceperis, quam posteriorum his litteris inclusi.⁶ Rogo eas uxori tradas; nam nunc quominus ad ipsam scribam, brevitate temporis impedior. Cum Amstelodamo rediero, quod proxima fiet septimana cum bono Deo, latius ad vos scribam; iam festinantem spero excusabis.

Tibi obsequentissimus frater
Guilielmus Grotius.

6 Ontbreekt.

Hagae, raptim, XIV Iulii 1641.

Adres: A monsieur monsieur Grotius, ambassadeur de la reine et couronne de Suède, à Paris.

Bovenaan de brief schreef Grotius: Rec. 23 Iulii.

En in dorso: 14 Iulii 1641 W. de Groot.