Briefwisseling van Hugo Grotius. Deel 12

[p. 376]

5254. 1641 juni 29. Aan J.A. Salvius.¹

Illustrissime domine,

Magnum sane damnum accepit res Suedica in morte D. Bannerii,² sed in hoc dolore solatur me ducum³ et militum ea concordia, ut nihil inde mali sperandum sit et, quantum intelligere possum, fidi adhuc nobis manent Hassici et Lunaeburgici. Verum ad eos retinendum opus erit celerari, quantum res ferent, consummationem federis inter nostros Gallosque.⁴ Cum norim quam perplexari soleant Galli, censeam omnino inserendam federi cautionem de permutandis Hornio et Waertio.⁵ Ni id fiat, aut de machinis illis, quae sunt Benfeldii, aut de Bassompetra captivo⁶ aut quidvis causabuntur, ne emittant Waertium.

Quod ad res cum hoste componendas attinet, existimo Gallos inducias malle, nobis plenam pacem fore utiliorem gloriosioremque. Causa belli nobis fuit, bono ut loco poneretur res amicorum per Germaniam, quod sine pace, ut se habeant omnia, obtineri non potest. Galli propositum habuere fines proferre. Multa tenent, quae per pacem non sperant penes se mansura. Itaque velint per inducias possessioni suae induere speciem vetustatis. Hae sunt causae, cur de conditionibus induciarum colloquia in aliud tempus post confectum fedus, quod nunc tractatur, differri magis e re nostra censeam.

Doleo me de Portugallicis legatis serius scisse reginae nostrae sententiam, de qua edoceri pridem volueram. Nunc literae Excellentiae vestrae, quae me ea de re instruunt,⁷ ad me venere post digressos duos, qui hic fuere, legatos.⁸ Sed poterit circa ordinarium, qui huc venit,⁹ impleri quod non alia de causa dilatum est, quam quia in tam gravi negotio putabam mihi non meum sequendum iudicium, sed eorum, qui in me imperium habent, quem modum etiam Angliae legatus¹⁰ secutus est et, puto, in eius generis rebus legati alii sequi solent. Quia multa possunt evenire talia, nihil magis optem quam saepe mandatis aut certe consiliis instrui.

Sum autem eroque semper,

Excellentiae vestrae obedire et inservire paratissimus obligatissimusque
H. Grotius.

1 Gedrukt Epist., p. 681 no. 1502. Geciteerd in vert. Brandt-Cattenb., Leven II, p. 279. Antw. op no. 5213; beantw. d. no. 5308.

2 Johan Gustavsson Banér was op 20 mei overleden.

3 Adam von Pfuel, Karl Gustav Wrangel en Arvid Wittenberg von Debern (no. 5213 n. 2).

4 Het verdrag tussen Frankrijk en Zweden werd in juli 1641 verlengd.

5 Gustav Karlsson Horn en Johan van Werth (no. 5264 n. 1).

6 Anne François, markies van Bassompierre (no. 5190 n. 4).

7 No. 5213.

8 Francisco de Mello en António Coelho de Carvalho (no. 5028 n. 6).

9 In mei 1642 kwam te Parijs als Portugees ambassadeur Vasco Luís da Gama (1612-1676), graaf van Vidigueira. Vgl. E. Prestage, Dipl. relations of Portugal, p. 7-10.

10 Robert Sidney, graaf van Leicester (no. 5003 n. 13).

Lutetiae, 19/29 Iunii 1641.