Briefwisseling van Hugo Grotius. Deel 11

4654. 1640 mei 19. Aan I. Jasky¹.

Nobilissime domine,

Est sane, quod laetetur Polonia nato principe regis filio², altero autem principe regis fratre³ in libertatem restituto felice admodum legati⁴ opera, qui tamen non ideo creditur

1 Hs. Gotha, Stadtarch., cod, A473, f.^o 29. Eigenh. oorspr. Gedrukt Epist., p. 620; Grotii Epist. ad Iaski, p. 66, waarvan de verschillen in orthografie en aperte onjuistheden niet worden gesignaleerd. Antw. op no. 4607; beantw. d. no. 4702. Israël Köhne, genaamd von Jasky. was een invloedrijk burger in zijn vaderstad Danzig.

2 Sigismund Kazimierz.

3 Jan II Kazimierz.

4 Christophe Corvinus Gasziewski.

[p. 277]

principis Casimiri recuperasse gratiam objecto ei lento huc itinere, per quod principis calamitas prolatata sit. Gallia vero de illo principe, sicut nihil mali metuendum habet ob publicam fidem, ita nec boni quicquam sperandum, cum honores, si qui ei in Gallia sunt habiti, eos multum superaverit cardinalis Hispani in ipsum comitas.

Ex caetera epistola Nobilitatis vestrae⁵ cognosco non quiescere in Polonia ventos tribunitios satisque domi esse malorum, etiamsi non accessisset illud a Tartaris, qui praedae incruentae dulcedine illecti metuendum est, ne per sua vestigia redeant adjuvantibus Cosaccorum si qui amant res novas forte et, si illorum conatus processerint, addituro se Turca⁶.

Batavorum illud edictum⁷ vim, si eorum res novi, diu habere non poterit. Aut ad arma venietur aut, quod magis reor, venietur ad conditiones, si non optimas, certe tolerandas illis, qui tantum habent cum potentissimo rege Hispaniae negotii, ut aliis negotiis vacare non possint. It nunc legatio a Batavis in Suediam⁸, etiam ea de re.

Gallicana aula exsultat gaudio ob felix admodum Harcurtii⁹ in Hispanos praelium ad Casale, quo quinque ferme hostium millia trucidata, dispersus hostilis exercitus, captae machinae XII praedaeque multum, Casale exemtum periculo. Idem Harcurtius, si ex Gallia copiis augeatur, urbem Taurinorum parat obsidere. Ad Belgicum finem tardius procedunt molimina tam Batavorum quam Gallorum. Illos venti retinuere adversi et nautae novis se periculis objicere cunctantes, nisi priorum mercedes accepissent. His vero obstitere imbres et corrupta caeno itinera.

Vale, vir nobilissime.

Nobilitati vestrae ad omnia officia paratissimus
H. Grotius.

5 No. 4607.

6 Ibrahim, sultan der Ottomanen.

7 Waerschovwinge dd. 14 maart 1640; zie no. 4565 en n. 3. Het woord ‘illud’ ontbreekt in de uitgave Grotii Epist. ad Iaski.

8 Willem Boreel, Albert Sonck en Epo van Aylva; zie ook no. 4574 en n. 2.

9 Henri de Lorraine, graaf van Harcourt-Armagnac, ontzette op 28 april 1640 Casale (Montferrat).

IX/XIX Maji MDCXL, Lutetiae.

Adres: A Monsieur Monsieur Jasky gentilhomme, à Dantzig.