Briefwisseling van Hugo Grotius. Deel 11

4607. 1640 april 17. Van I. Jasky¹.

Illustrissime et excellentissime domine, domine observandissime,

Duplici nomine iam laetatur aula Polonica: ob liberatum principem Casimirum² et natum ex Renata regina³ 1 Aprilis principem⁴. Primum, quod in insperatis accidere solet, multos perculit nec fidem invenit, donec iteratis vicibus nunciaretur multis hoc praesertim mirantibus eum, qui per biennium in arctissima fuerat custodia et cuius liberatio propemodum desperata erat, iam a rege christianissimo singulari benevolentia prosequi et a magnatibus coli.

Conventus quidam provinciales nuntiis suis, quos ad comitia generalia regni mittunt, in mandatis dederunt, ut publico nomine rationes sibi dari a regia Maiestate⁵ postulent,

1 Hs. Utrecht, RA. Prov., Arch. Boetzelaer 556, 28. Eigenh. oorspr. Beantw. d. no. 4654. Israël Köhne, genaamd von Jasky, was een invloedrijk burger in zijn vaderstad Danzig.

2 Jan II Kazimierz.

3 Cecilia Renata.

4 Sigismund Kazimierz.

5 Wladislas IV (VII) van Polen.

[p. 216]

cur inscia republica ex regno Viennam ad imperatorem⁶ discesserit; deinde ut feudum Iacobo Curlandiae duci⁷ a regia Maiestate non explorata prius voluntate reipublicae concessum ipsi adimatur et illud a republica debito et solemni modo obtineat. Postremo ut summopere contra vicecancellarium regni dominum Ossolinsky⁸ - quem omnium hactenus in Polonia turbarum authorem volunt - conquerantur et ut ab officio vicecancellarii removeatur a regia Maiestate contendant. Haec tam gravia postulata quo animo regia Maiestas sit acceptura et quis exitus comitiorum futurus sit, quivis augurari potest?

Quem finem dissidiae, quae inter Batavos et regem Daniae intercedunt, habiturae sint, avide exspectamus. Nam plurimum commercia turbant, imprimis edictum illud nuperrime in Hollandia promulgatum⁹, quo omnia commercia Batavis cum Danis prohibentur. Vereor, ne Danus, dum reditus suos per intolerabilem illam exactionem augere nititur, valde deminuat et insigne damnum patiatur. Inexplebilis illa teloneorum sitis acribus remediis restinguenda erit.

Excellentiae vestrae prosperrimam valetudinem et omnium rerum fortunatissimos successus exopto.

Excellentiae vestrae obsequentissimus
I.K.D. Jasky mpp.

6 Ferdinand III, met wie Wladislas in de herfst van 1638 nabij Wenen geheime besprekingen had gevoerd.

7 Jacob Kettler (1610-1682), hertog van Koerland. De kwestie van het genoemde leen wordt uitvoerig behandeld in Allgem. Deutsche Biogr. XIII (1881), p. 540 i.v. Jacob, herzog von Kurland.

8 Jerzy Ossolinski.

9 Waerschovwinge dd. 14 maart 1640; zie no. 4565 en n. 3.

Dantisci, 17 Aprilis A.^o 1640.