Briefwisseling van Hugo Grotius. Deel 9

3703. 1638 augustus 2. Van Willem de Groot¹⁰.

Frater optime,

Ex meis filiique tui¹¹ anterioribus litteris¹² jam intellexeris affinem Losecatium¹³ e captivitate sua rediisse, postquam quindecim circiter dies contra belli jura detentus illic fuisset. Ejus uxor¹⁴, soror nostra, cum filia minore¹⁵ jam apud nos est, ut se aliquantum recreet; ea se tibi uxorique quam officiosissime commendari voluit Deo immortali summas agens gratias pro te nuper servato¹⁶ et marito recepto.

10 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 3686; beantw. d. no. 3725.

11 Pieter de Groot.

12 No. 3691.

13 Frederik van Losecaat.

14 Adriana de Groot.

15 Anna van Losecaat.

16 Zie no. 3677, p. 457 n. 9.

[p. 500]

Ackerlakius¹, cujus in postremis tuis litteris² meministi, jam in Bataviam pervenit, quanquam mihi nondum visus, qui comitis Egmondam³ res jam admodum accisas esse satis perspicue video.

Multa, ut tu recte judicas, infausta partibus et nostris et amicorum hoc anno obvenere. Unum addam, quod nuper equitatui nostro accidit, nam triginta et amplius turmae hostiles, cum aliquo peditatu in nostros ad Wouwam impetum facere volentes praemissis quinque equitum tribus peditum centuriis necopinantes sub auroram invasere et somnolentos aliquos cecidere, - inter quos comes Waldechius⁴ -, alios cepere, ut tribunum turmae Bellimontium⁵, alios spoliavere. Interea Staeckenbroeckius⁶ cum excubiis suis advolat, manum cum hoste conserit aggregantibus se undique equitibus et ejecto equitatu hostili pedites aut caedit aut in suam redigit potestatem. Inde collecto agmine in campos se effudit et, cum in hostium copias insultum facere jussisset non bene obtemperantibus, quibus ea res in mandatis data erat, et turbantibus aliorum offic[i]a iis, qui ab hoste revertebantur, factum, ut optima rei bene gerendae occasio e manibus elaberetur caesis admodum paucis nostrorum, hostilis vero equitatus ducentis et peditatus trecentis majore militum quam ducum ignavia.

Domi interea nihil fere geritur suspensis omnium animis in senatorum electionem a principe⁷ faciendam. Interea advocatus fisci Kinschotius⁸ suam ab Ordinibus missionem meruit neque tamen ei in omnibus cum Delfensibus convenit. Proximis comitiis puto disputatum iri, an in ejus locum Selandi jam alium⁹ substituere debeant - in qua quidem sententia ego sum, licet alii dissentiant - et illud si fiat, an non e re sit Batavica, ea, quae Cameram rationalem concernunt, negotia alii seorsim demandare. Hac de re ubi certi quid compererim, faciam te certiorem; interea Deum oro te tuosque omnes diu nobis diu publico servet incolumes.

Tibi obsequentissimus frater
Guilielmus Grotius.

1 Barthold van Akerlaecken.

2 No. 3686.

3 Lodewijk, graaf van Egmond.

4 Jan Lodewijk van Waldeck (1616-1638).

5 Jacques de Beaumont.

6 Jhr. Thomas van Stakenbroeck.

7 Frederik Hendrik.

8 Mr. Nicolaes van Kinschot.

9 Volgens het provisioneel akkoord van 1607 was de beurt aan Zeeland om een nieuwe advocaat-fiscaal te benoemen. Over de benoeming ontstond tussen Holland en Zeeland een meningsverschil. Uiteindelijk werd in 1645 Dirck Graswinckel aangesteld in de functie van ‘advocaat-fiscaal van onsen lande van Holland en West Vriesland in alle dominiale en civiele saecken’. Johan Moens werd benoemd tot advocaat-fiscaal voor criminele zaken.

Hagae, II. Augusti 1638.

Adres: A Monsieur Monsieur Grotius, Ambassadeur de la Reine et couronne de Suède prez le Roy Trèschrestien A Paris.

Boven aan de brief schreef Grotius: Rec. 10 Augusti.

En in dorso: 2 Augusti 1638 W. de Groot.