Briefwisseling van Hugo Grotius. Deel 9

[p. 501]

3704. 1638 augustus 3. Van J.A. Salvius¹.

Illustrissime et Excellentissime Domine Legate,

Domine amice observande,

Mitto Excellentiae Vestrae exceptionem meam² ad legati Anglici Domini Roe³ propositionem primam⁴, quae nihil aliud continebat quam articulos Gallo-Britannicos, quos simpliciter a me signari postulavit. Etsi enim non plane, hoc modo ut responderem, in mandatis habui; putavi tamen naturae rei vix aliud responsum pro initio convenire; itaque sub spe rati hoc ita concepi. E replica videbimus. utrum propius ad rem venire voluerit: ego alias plena mandata habeo, ut, si ex aequo et bono seria velit, concludam sperans eo casu Dominos quoque ordines foederati Belgii calculum daturos. Sin luserint Angli speciosis nominibus applausum vulgi tantum captantes aut si aliquid singulare praestare cogitarint, re vero aliter cedente culpam forte - ut multorum suspicio est - in nos coniicere voluerint, spero Excellentiam vestram ex hoc meo primo responso, ubi opus fuerit, remedium ei malo me multo rectius inventurum.

Banerius⁵ 12000 equitum et quatuordecim peditum brigadis, ut vocant, stipatus movet. Gartzium negata a praesidiariis deditione intra spacium unius horae vi cepit, caesis plerisque gregariorum officialibus captis. Quorsum tendat, proxime scribam. Neque enim diu uno loco consistere poterit ob solitudinem et vastitatem locorum in marchia.

Gallas⁶ Albim repetere dicitur veritus, ne praeveniatur. Nescio tamen, an Banerius id animo volvat.

Elector Brandenburgicus⁷ dicitur transcriptis Gallassio copiis suis cum Negromontio⁸ in Prussiam cogitare. O antiquam Germaniae libertatem!

Praefectus Wismariensis⁹ his diebus etiam Grewesmuhli legionem Gallassian(a)m partim caecidit partim disiecit¹⁰.

Rex Daniae¹¹ Gluckstadii tranquillus tractatum pacis Lubecae¹² urget.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 10. Orig. Eigenh. ondertek. met eigenh. postscr. Beantw. d. no. 3742. Johan Adler Salvius was Zweeds gezant, residerende te Hamburg.

2 Ontbreekt.

3 Thomas Roe.

4 Hs. Den Haag ARA., coll. Hugo de Groot. Aanw. 1911 XXIII no. 5: brief van Salvius aan Roe, dd. 17 juli (oude stijl) 1638.

5 De Zweedse veldmaarschalk Johan Gustavsson Banér.

6 Matthias, graaf Gallas.

7 Georg Wilhelm, keurvorst van Brandenburg.

8 Adam von Schwarzenberg († 1641), kanselier van Brandenburg.

9 Joen Lilliesparre.

10 Over dit gevecht zie men S. Puffendorf, Commentariorum De Rebus Suecicis Libri XXVI p. 322.

11 Christiaan IV.

12 Over de vredesonderhandelingen te Lübeck zie men S. Puffendorf, Commentariorum de Rebus Suecicis Libri XXVI p. 345.

[p. 502]

Nondum tamen cum comite Curtio¹ de venturorum eo Sueciae Galliaeque communium per Germaniam foederatorum securitate convenire potuimus.

Hisce valeat Excellentia Vestra prosperrime. Et, ut solet, faveat

Excellentiae suae observantissimo
J.A. Salvio m.p.

1 Ferdinand Siegmund Kurz.

Hamburgi, die 24 Jul: stil: loci Anno 1638.

Doleo, quod intellexerim Smalzium² non ut decuit, cum Excellentia Vestra conversatum. Proximis literis puto eum in Sueciam revocatum iri. Nam paria fere hic mihi intentavit, nasutus juvenis.

2 Peter Abel Schmalz.

Boven aan de brief schreef Grotius: Rec. 19 Augusti.