Briefwisseling van Hugo Grotius. Deel 9

3702. 1638 augustus 2. Van P. de Groot¹².

Venerande parens,

Profectus hinc est Pelzii filius¹³, sed non eo quo scripseram¹⁴ tempore negotis, ut ajebat, urgentibus detentus.

12 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

13 Pieter, zoon van Paulus Pels.

14 No. 3666.

[p. 499]

Libros, quos a me petieras¹, misi per Treselii filium² neque dubito, quin ea longe securior sit via. Libros Meijerosii³ non accipio nescio qua ratione retentos. Senator Reigersbergius⁴ causam ait, quod cum suis etiamnum permixti sint. Ille jam in Zelandiam, ni fallor, profecturus est; rogabo itaque, ut nos impedimento isto liberet.

De typographo scripsi ad D. Vossium⁵ neque dubito, quin satisfacturus tibi sit Janssonius⁶.

Doleo res tam male Gallis procedere, praesertim ad Brisacum; metuo, ne sterilis ibi sit haec fratribus⁷ aestas.

Principem Arausionensem⁸ dicunt expectari. Videtur ille adhuc aliquid moliturus, vel saltem videri velle. Certatio quaedam fuit inter equitatum nostrum et Hispanum, in qua qui superiores fuerint, disceptatur. Ex nostris plures occisi, ex aliis capti sunt ferme CCLXXX; inter eos aliqui etiam spectabiles, qui, si nihil aliud, libertatem certe eorum apud Calloam⁹ capti sunt, facilitabunt.

Ego dies hosce Caniculares, qui a curia vacamus studio practico scribendisque ad id necessariis impendam.

Deus, venerande parens, tibi det prospera omnia.

P. Grotius.

1 Vgl. hierover no. 3666.

2 Samuel, zoon van Daniel Tresel.

3 Zie no. 3571, p. 278 n. 2.

4 Nicolaes van Reigersberch.

5 Gerardus Johannes Vossius.

6 Johannes Janssonius, drukker en uitgever te Amsterdam.

7 Cornelis en Diederik de Groot; zij bevonden zich in het leger van Bernhard van Saksen-Weimar.

8 Frederik Hendrik.

9 Vgl. no. 3648.

Hagae Comitis II Aug. MDCXXXVIII.

Boven aan de brief schreef Grotius: Rec 10. Augusti.