Briefwisseling van Hugo Grotius. Deel 9

3655. 1638 juli 3. Aan Willem de Groot¹.

Ex literis, mi frater, tuis datis 21 Junii² didici historiam eorum, quae ad Calloum geri coepere, quorum tristem exitum aliunde accepimus³. Doleo et ob cladem publicam et ob mortem juvenis Nassavii⁴, qui nos amabat. Parentes⁵ miseror.

Rem maritimam diligentius curari gaudeo miratus tantam hactenus μετεωϱίαν. Certum est interim ab Anglis pulverem igniarium aliaque Dunquercam illata mercatoribus cujuslibet lucri avidis et rege Angliae⁶ facile id ferente, quod talium metu speret adigi posse Batavos ad accipienda quae dictabit foedera.

Comes Egmundanus⁷ edicto Machliniensis auditorii citatus exivit e Gallia et in Angliam, ut bello vacantem se transtulit, ne objici sibi possit, quod apud hostes vivat. Miror id consilii non prius ei in mentem venisse. Ita enim praecaveri forte potuerat hoc edictale fulmen. Nunc pontificis⁸ precibus aut etiam imperio, quia ipse abbatis⁹ vasallus, abbas autem Egmundanus pontifici uni subditus fuit, uti se posse sperat ad vitandos judices, non suos, ut ipse interpretatur, deinde et sibi suspectos. Sed de his tecum aget tuaque et aliorum consilia exquiret Ackerlakius¹⁰, qui nunc ad vos venerit.

Petri¹¹ nostri studia amicis omnibus, sed supra omnes tibi commendo.

1 Gedrukt Epist., p. 878. Antw. op no. 3638; beantw. d. no. 3668.

2 No. 3638.

3 Zie o.a. no. 3639.

4 Maurits, graaf van Nassau-Siegen. Tijdens zijn verblijf in Parijs bezocht hij Grotius, zie VII, p. 609 n. 2.

5 Willem, graaf van Nassau-Siegen (1592-1642) en Christina van Erbach (1596-1646).

6 Karel I.

7 Lodewijk van Egmond. Op 16 juni was hij te Dover aangekomen.

8 Urbanus VIII.

9 Over deze kwestie zie men W. Brulez, Correspondance de Richard Pauli-Stravius (1634-1642), Bruxelles-Rome 1955, p. 309 en 369.

10 Barthold van Akerlaecken.

11 Pieter de Groot.

[p. 424]

Beresteinio juveni¹ quod praestiti, perexiguum est. Ubi huc redierit, magis etiam ipsi ostendam, quanti ipsum, quanti omnes ejus nominis, veteres amicos parentum nostrorum², faciam. Ad Petrum redeo. Velim, ubi apud vos fuerit, moneas eum de libris, quos mihi mitti volueram. Mittantur autem aut per amicum aut per cognitum nautam ad Treselium³, qui deinde curabit ad nos perferri. Iis addi velim remonstrantium τὰ λειτουϱγιϰά⁴.

Vale cum tuis nostrisque omnibus.

Tibi obligatissimus frater
H. Grotius.

1 Christiaen van Beresteyn.

2 Jan de Groot en Aeltgen Borre van Overschie.

3 Daniel Tresel te Rouaan.

4 Zie p. 405, no. 3643.

3 Iulii 1638.

Auratus noster⁵ incipit metuere, ne si mihi praestet operam, de qua scripseram, et pontificii et reformati ipsius ad linguas discendas magisterio, unde se sustentat, uti desinant. Itaque rursus haereo.

5 François d'Or.