Briefwisseling van Hugo Grotius. Deel 9

3668. 1638 juli 12. Van Willem de Groot¹.

Frater optime,

Ad publicam calamitatem, cujus in tuis litteris meministi², etiam privata accessit capto ab hostibus affine Losecatio³, qui cum filio⁴ sine armis per agrum Bommeliensem equitans, ab hostium aliquot militibus illic latitantibus comprehensus et Geldriam versus deductus est; filius vero insidias effugit. Missus cum lytro tympanista ecquid profecerit, nondum mihi constat: vereor, ne et illum cum reliquis captivis diutius detineant hostes⁵, donec ipsis satisfactum sit de caede nuper a nostris pessimo exemplo in duos hic captivos perpetrata; illud me juvat, quod ejus flagitii auctores duos jam in vinculis esse audio. Certe pejori tempore capi affinis non poterat neque parvo ei haec res stabit, quod res sororem nostram⁶ valde contristat.

De rebus publicis nihil fere, quod scribam, novi habeo. Princeps⁷ multis sibi militibus opus esse ait petitque, ut cives in praesidia mittantur, (quod) Batavi nostri aegre quidem, sed tamen consessiori v(identur).

De Ackerlakio⁸ et negotio comitis Egmondan(i)⁹ nihil plane intelligo nec, ubi iste mortalis haereat, scio. Recte tu judicas melius facturum fuisse comitem, si se illico in Angliam proripuisset post declaratum cum Gallia bellum: de fulmine Mechliniensi¹⁰ nihil ego quidem inaudiveram.

Petrum¹¹ monui de libris ad te mittendis, cujus studia quantum in me erit promovere non desinam.

Male de nobis meretur Anglorum rex¹², qui Dunkerkanos commeatibus omnibusque, quae ad bellum necessaria sunt, instruere non desinit.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Antw. op no. 3655; beantw. d. no. 3686.

2 In no. 3665; de dood van Maurits van Nassau-Siegen.

3 Frederik van Losecaat (1583-1669).

4 Diderik van Losecaat († 1645).

5 Over het doden van de twee Spaanse kapiteins zie men no. 3659; eveneens J.A. Worp, De Briefwisseling van Constantijn Huygens, II, p. 370 en I. Commelijn, Frederick Hendrick van Nassau, Prince van Orangien. Zijn Leven en Bedrijf II, p. 17.

6 Adriana de Groot (1592-1639).

7 Frederik Hendrik.

8 Barthold van Akerlaecken.

9 Lodewijk van Egmond.

10 Vgl. no. 3655.

11 Pieter de Groot.

12 Karel I van Engeland.

[p. 447]

Ducis Vinariensis¹ conatus ad Brisacum non optime procedere audivimus introducto in urbem per Gotsii² copias commeatu.

Plura libenter scriberem, nisi me materia tempusque deficeret, quare finiam cum voto, ut Deus O.M. te uxorem, liberos³ diu nobis servet incolumes.

Vale.

Tibi obsequentissimus frater
Guilielmus Grotius.

1 Bernhard, hertog van Saksen-Weimar.

2 Johann, graaf van Götz.

3 Alleen Cornelia was bij haar ouders te Parijs.

Hagae, XII Julij 1638.

Adres: A Monsieur Monsieur Grotius, Ambassadeur de la Reine et couronne de Suède A Paris.

In dorso schreef Grotius: 12 Iuly 1638 W. de Groot.

En boven aan de brief: Rec. 22 Iuly.