Briefwisseling van Hugo Grotius. Deel 9

3667. 1638 [juli 12]. Van P. de Groot¹.

Venerande parens,

Profectus hinc est me inscio D. Pelzii filius², qui, quamvis mihi promiserat se non discessurum nisi me praemonito, nescio quo casu urgente jam in Zelandiam abiit. Ego libros quos ad voz mittendos jam paratos habebam, dabo qui hic est Treselii filio³ ad patrem curandos. D. Mullerus⁴ etiam in Suediam abiit. Princeps Arausionensis⁵, qui jam in Zelandia esse dicitur, omnem militem suum commisit ductui comitis Guilielmi Nassavii⁶. De eo multus et varius quidem adhuc est sermo. De facto ejus judicare non est meum, sed quantum ego arbitror, si eam legisset orationem qua, initio belli Alexandrini timori suorum Caesar occurit⁷, longe alius fuisset concilii. In Brasilia res agitur non infaeliciter; audio in Bahida appulisse naves XL cum militibus nostris ad numerum ferme quinque milium, ex eis descendisse in arenam tria millia, reliquos adhuc in navibus detineri. Sed nec Hispanis militem deesse idem fert nuncius, perisse autem eos tum fame tum aliarum rerum necessariarum inopia.

De Acquerlacquio⁸ neque nos neque soror ejus⁹, quae Dordrechti est, ex quo ex Gallis discessit, nihil audivit.

De Milandro¹⁰ qui cum Caesare¹¹ convenisse dicebatur, mutatur fama. Miles Palatinus, ut jam scripsisse me memini¹², nostras copias augebit numero. Videtur adhuc magna moliri princeps Arausionensis.

1 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 26. Eigenh. oorspr.

2 Pieter, zoon van Paulus Pels.

3 Vermoedelijk Samuel, zoon van Daniel Tresel.

4 Georg Müller, Zweedse hofraad en secretaris.

5 Frederik Hendrik.

6 Willem, graaf van Nassau-Siegen.

7 Caesar, De bello Alex. 8

8 Barthold van Akerlaecken.

9 Niet geïdentificeerd.

10 Peter Melander, graaf van Holzapfel.

11 Ferdinand III.

12 Van Karl Ludwig van de Palts.

[p. 446]

Deus Optimus Maximus tam arduis faveat conatibus. Idem Deus, venerande parens, tibi, matri, sorori omnia det prosperrima.

Tibi obedientissimus filius
P. Grotius.

Hagae Comitis MDCXXXVIII.

In dorso schreef Grotius: 12 Iulii 1639 P. de Groot.

En boven aan de brief: Rec. 22 Iul.