Briefwisseling van Hugo Grotius. Deel 9

3654. 1638 juli 3. Van Christina van Zweden⁴.

Christina Dei gratia Suecorum, Gothorum Wandalorumque designata Regina et Princeps haereditaria, Magna Princeps Finlandiae, Dux Esthoniae et Careliae Ingriaeque Domina etc.

Gratiam et favorem nostrum singularem.

Nobilis ac magnifice nobis sincere fidelis,

Inter caetera vidimus ex iis, quas ad nostrum regnique cancellarium⁵ scripsisti die 18 Maij⁶, quis tecum sermo ac discursus cum legato Veneto⁷ super tractatus negotio intercessit teque de loco futuri tractatus inter nos et imperatorem⁸ convenienter, ut caetera omnia prudenter, ipsi respondisse poscenti propiorem Coloniae aliquam urbem commodiorem Hamburgo vel Lubeca ob rationes, quas adduxisti, non videmus.

Gallis quidem non adeo longum metiendum iter est Parisiis Coloniam, nostratibus vero et longius distat et, si caetera pleraque tantum negotium concernentia spectemus, incommodus locus est.

Quos in communicata nobiscum a Davausio⁹ per Dn. Salvium¹⁰ salvorum conductuum formula defectus animadvertimus et cum Davausio per Rortium¹¹ hic communicari fecimus, non dubitamus, quin eos iam ante ad te transmiserit dictus aulae cancellarius. Vides judicium de iis nostrum ex adjecto apographo¹².

4 Hs. Stockholm, RA. Gallica. Brev. till legaten Hugo Grotius 1635-1638. Orig. d. regenten. eigenh. ondertek. Beantw. d. no. 3707.

5 Axel Oxenstierna.

6 No. 3598 van 28 mei.

7 Anzolo Correr.

8 Ferdinand III.

9 Claude de Mesmes, graaf van Avaux.

10 Johan Adler Salvius, Zweeds gezant, residerende te Hamburg.

11 Claude de Salles, baron van Rorté.

12 Ontbreekt.

[p. 423]

Quod quidem te celare noluimus, si forte et imposterum contigerit de hisce sermones aut communicationes institui. Quibus te Deo clementer commendamus.

Dabantur Stocholmiae die 23 Iunij Anno 1638.

Sacrae Reginae M.^tis Regnique Sueciae respective Tutores et Aministratores

Gabriel Oxenstierna
Gustavi
R.S. Archidapifer
Axelius Oxenstierna
R.S. Cancellarius m.p.
Jacobus de La Gardie
R.S. Mareschallus m.p.
Claudius Flemingh loco
R.S. Ammiralii m.p.^ria
Gabriel Oxenstierna L.B.
in Moereby et Lindholm
R.S. Thesaurarius m.p.

Boven aan de brief schreef Grotius: Rec. 5 Aug.

Voor dorsale notitie zie no. 3542 d.d. 23 april.