Briefwisseling van Hugo Grotius. Deel 8

3030. 1637 april 17. Aan S. Bielke⁴.

Illustrissime Domine,

Tandem in ingens Galliae ac sociorum malum erupit pressa diu Rhaetorum libera indignatio coëgitque Rohanium ducem⁵ et Gallos circumsessos undique vitam, qua poterant, pactione redimere, pro qua pactione obses Curiae Rhaetorum honeste, sed diligenter custoditur ipse Rohanius. Promisit Gallos omnes ante V Maii excessuros Rhaetorum finibus ac Valle Telina castellis omnibus in manus Rhaetorum redditis, quorum praecipuum, quod ad Rhenum est, jam nunc Helvetiis permissum est; soluti Gallico sacramento, qui Rhaetorum illis militabant.

Quod in hac re pessimum est: habet domus Austriaca, quod per duo saecula quaerit, ut transitus compos commeabiles inter se Italiam Germaniamque habeat eoque vinculo dissitas possessiones mutuis auxiliis jungat.

Protestantibus Vallis Telinae libertatem habitandi Deumque colendi a Gallis ademptam permittit Hispanus vela vertens uti se ventus dat. Quantum hinc Venetis gentibusque aliis malum immineat, nemo non videt.

Parmensis dux⁶ Mediolani magnis accipitur honoribus.

Ad insulare bellum acriter se movent Galliae Narbonensis civitates, et contra cum navibus longis Doria⁷.

Piccolominius⁸ habere dicitur XXX hominum millia et iis alendis stipendia in menses ad C millia scutatorum, quae procella Galliae an Germaniae minetur,

4 Gedrukt Epist., p. 318. Gelijkluidend aan nos. 3031 en 3035. Wellicht een der brieven beantw. d. no. 3058. Van no. 3031 aan L. Camerarius bevindt zich een copie te Uppsala, UB., cod. 388a, ep. 71; de verschillen, die de uitgave der Epist. vertoont t.o.v. dit afschrift worden hier reeds gesignaleerd. Voor geadresseerde zie men no. 2945, p. 67 n. 7.

5 Henri, hertog van Rohan, luitenant-generaal van de Franse troepen in Graubünden en de Veltlin.

6 Odoardo Farnese, hertog van Parma.

7 Giannettino Doria, zoon van Carlo Doria.

8 Ottavio d'Arragona, prins van Piccolomini, hertog van Amalfi.

[p. 221]

incertum est. Sed nec de pace induciisque ad eam ducturis silent sermones. Venere enim pro Gallicis legatis¹ singulis proque eorum amicis tales a cardinali Hispano², regis Hispani³ nomine tuti itineris sponsores literae, quales Galli optaverant.

Deum precor, Illustrissime Domine, ut tibi tuisque semper faveat.

Tuae Illustrissimae Dominationi omni cultu addictissimus
H. Grotius.

1 Voor hun namen zie men no. 2924, p. 26 n. 1.

2 Don Fernando, kardinaal-infant van Spanje.

3 Philips IV.

Lutetiae, 7/17 Aprilis MDCXXXVII.