Briefwisseling van Hugo Grotius. Deel 8

3029. 1637 april 14. Aan M. Bernegger⁸.

Ea est tua facundia, vir doctissime, ut, quos intra silentium amas, eos maximo bono prives. Neque tamen queror, quod abs te compellor infrequentius, dum id ipsum non mihi, sed publico imputes. Studia enim, quae juvi, dum potui quantumque potui, nunc, cum id facere per negotia vix sinor, certe impedire nolo, tempora occupando, quae ipsis sunt debita.

Quod si literas tibi mittere non vacat, certe juvenes mihi saepe tales mitte, qualis hic est tuus, morum quoque filius⁹, quem ni amem, oblitus sim omnium eorum, quae per omnem aetatem colui.

Pergere te in editione latinorum, qui historias scripsere¹⁰, gaudeo. Cum enim omnia tempora ea lectione opus habeant, hoc certe maxime. Unde enim potius hauriant aut documenta rudes aut solatia infelices aut moderationem

8 Copie Gem. Bibl., Rotterdam, coll. Rem. Kerk, cat. v. hss., no. 674. Gedrukt Epist., p. 317; Grotii et Berneggeri Ep. mutuae, p. 57. Antw. op no. 2960. Matthias Bernegger (1582-1640), filoloog, historicus en wiskundige te Straatsburg.

9 Johann Kaspar; zie over hem no. 2960, p. 97 n. 5.

10 Dit werk is niet tot uitgave gekomen; vgl. Reifferscheid, Quellen I, p. 845 (Anm. 294, 38) en ibid., p. 897 (Anm. 418, 17).

[p. 220]

felices? Iuvat et hoc me, nam omnia tua ad me pertinere censeo, quod non minus favente Deo generos eligis quam filios educas. Et Freinshemio¹ gratulor, quem non mentiar, si vocavero εὐπένϑεϱον.

Pergite magno animo promovere² literas, ut dici aliquando de vobis possit: Socer generque reddidistis omnia³.

Vale, mi Berneggere.

Tuus toto animo
H. Grotius.

1 Johann Freinsheim.

2 De uitgave der Epist. heeft ‘provocare’.

3 Variant op Catullus XXIX, 24: socer generque, perdidistis omnia? - Vgl. Vergilius, Catal., VI, 6: ut ille versus usquequaque pertinet // ‘gener socerque, perdidistis omnia.’

IV/XIV Aprilis MDCXXXVII.

Adres: Matthiae Berneggero, Professori Argentorati.