Briefwisseling van Hugo Grotius. Deel 8

2988. 1637 maart 12. Aan Willem de Groot⁹.

Literae a vobis, mi frater, non optime huc perveniunt, nam, cum alii habeant 3 scriptas Martii, ego tuas a 16 Februarii¹⁰ nunc demum accipio. Si per Brabantos iter non succedit, ad Oliverium¹¹ mittendae erunt literae per Caletum. Illud a Scevelinga iter, quo venerunt nescio an tuae, certe senatoris Reigersbergii¹² literae, non compendium nobis in praesens, potius dispendium attulit. Sed tentanda omnia.

Graswinckelium¹³, qui Mileteriana¹⁴ et Daillaeana¹⁵ habet, spero jam apud vos esse. Gaudebo scire, quid faciendum ibi censeatur.

9 Gedrukt Epist., p. 866. Antw. op no. 2962; tesamen met nos. 2981 en 2994 beantw. d. no. 3009.

10 No. 2962.

11 Henry Olivier, koopman te Parijs; correspondentie-adres.

12 Nicolaes van Reigersberch.

13 Simon Graswinckel.

14 Théophile Brachet de la Milletière; vgl. no. 2912, p. 2 en n. 17 aldaar.

15 Jean Daillé.

[p. 151]

Quo consilio D. Aysema¹ titulum illum sumserit, velim per te edoceri, quaeque de ipso ibi sit existimatio.

Miror de coercenda eorum potestate, qui conventum federatorum ineunt, tam segniter cogitari. Agros nobilitas curat, non tamen sola, nam et civitates et eorum municipes late possident: ideoque commune negotium est, sed primae partes primi ordinis, qui ferme agros, non urbes habitat.

De Baneirio² felices nuntios opperimur. Interim a Sardinia turrim Floristastanam, in fine Cantabrico Talantiquinum castellum cepere et utrunque diruere Galli. Nunc magnae res in exspectatione sunt: ducis Vinariensis³ expeditio verna et Anglorum mari molimina. Ermesteinio timetur.

Petrus⁴ poterit huc venire mense Maio. Losecatio⁵ nihil hic perit, discit quae disci oportet.

In Zelandia si magistratus parum valent ad compescendam plebem, haud miror, cum sumantur plerumque homines, quales evehit, quoties voluit Fortuna jocari.

Vale, frater dulcissime, cum tuis⁶ nostrisque.

Tui amantissimus frater
H. Grotius.

1 Foppe van Aitzema.

2 Johan Gustavsson Banér.

3 Bernhard, hertog van Saksen-Weimar.

4 Pieter de Groot; hij verbleef om studieredenen in het vaderland.

5 Diderik van Losecaat.

6 Zie voor hun namen no. 2912, p. 3 n. 2.

12 Martii 1637.