Briefwisseling van Hugo Grotius. Deel 7

[p. 456]

2807. 1636 oktober 22. Aan M. Casaubonus¹.

Quod non colloquio tantum interiore, sed et lare ac mensa Reigersbergium meum² excepisti, vir reverende, id beneficium quanti faciam, magis animo concipere quam verbis exprimere possum. Utinam non huic tantum, sed et aliis tuis officia³ paria facere possem. Inter officia autem illud vel maximum est, quod summatim a me institutum juvenem de eis dogmatibus, quae ad pietatem faciunt, et reverentia, quae primorum temporum ecclesiae optimo jure debetur, confirmasti ea in re edocuistique amplius. Ipse vestrae ecclesiae, et qui utinam ecclesiae diu praesit magni archiepiscopi⁴ conspectus magnum illi ad optima quaeque incitamentum erit.

Steuardus⁵ si sibi defuit, non habet quod aut in me, qui commendavi, aut in te, qui commendatum suscepisti requirat. Si se ostenderit, cogitabitis, an in docendis philosophiae praeceptis, in quibus multum se exercuit, aliquis ejus usus esse possit.

Rogo te, ut, si qua sit occasio, norit per te archiepiscoporum omni laude eminentissimus me in ipsius veneratione nemini concedere. Tibi vero bona opto tot atque tanta, quanta devinctissimus amicorum optime merito amico optare unquam potuit poteritve. Etiam optimae matronae, conjugi tuae⁶, pro sua summa in nostrum propinquum comitate gratias ago cunctaque precor felicissima.

Tibi addictissimus
H. Grotius.

1 Copie Bibl. Gem. Rotterdam, coll. Rem. Kerk, cat. v. hss. no. 674. Gedrukt Epist., p. 272. Antw. op no. 2782. Over Mericus Casaubonus - Florence Etienne Méric Casaubon - zie men V, p. 66 n. 5.aant.

2 Johan van Reigersberch, oudste zoon van Maria's in 1632 overleden oudste broer, eveneens Johan geheten, bij leven rentmeester-generaal van Zeeland Bewester-Schelde.

3 De Rotterdamse copie heeft abusievelijk ‘officiis’.

4 William Laud, aartsbisschop van Canterbury.

5 Adam Steuart; zie over hem no. 2701, p. 307 n. 4.

6 Niet geïdentificeerd.

Lutetiae, XII/XXII Octobris MDCXXXVI.