Briefwisseling van Hugo Grotius. Deel 7

[p. 307]

2701. 1636 augustus 5. Aan M. Casaubonus¹.

Vir Reverende,

Bonitatem, paternum tibi non minus donum, quam ipsa est eruditio, magnam in te semper credidi: magnitudinem tamen ejus satis complecti animo non potui, nisi postquam literas legi Idibus Aprilibus ad me datas². Et Reygersbergius³ quidem ut spero, aliquando conspectu tuo fruitur mihique nuntium laetissimum feret prosperae tibi valetudinis rerumque aliarum.

Interim ita mihi auxisti de summa in me benevolentia tua fiduciam, ut alios etiam tibi juvandos tradere non verear. Steuardus, gente Schotus et, quae ejus gentis laus velut propria est, ingenio per omnes philosophiae partes bene exercito, Sedani eam disciplinam feliciter juventuti instillavit⁴. Sed discors ei Molinaeus⁵ vim omnem presbyterii in ipsum effudit. Ita coactus inde discedere venit Lutetiam ibique multis bonis et eruditis se suamque operam probavit. Vocatus hinc in Lugdunensem Batavorum fuit Academiam. Sed amor patriae communis et virorum magnorum hortatus eum ad vos perduxere. In Britanniam ut venit, rogat me, quem sibi optime volentem noverat, ut se in notitiam maximi Angliae primatis⁶ introducerem.

Non ausus fui tanti viri perpetuas pro regno proque ecclesia curas meis precibus interpellare, sed ad te recurri, qui ei sive praesens sive absens aditum ad eminentissimum archiepiscopum parare et pro eo qua merito polles gratia possis et pro tuo in literas literatosque studio non gravate id sis facturus. Ipsum quoque pronum adeo ad benefaciendum plurimis animum D. archiepiscopi gaudere credo, cum⁷ monstrantur ei, qui in aliqua studiorum parte utiles esse possunt. Tu si mihi vicissim aliquem commendaveris, dabo operam, ut appareat, quanti te primum, deinde et tibi caros faciam.

Vale, vir eruditissime. Literas viri summi parentis tui ad me, quas ante annos aliquot in Hollandiam cum aliis ejusdem literis edendas miseram⁸, cum fides promissi non impleatur, jussi per meos repeti. Rogo, ne defatigeris bene de publico mereri nosque non operum tantum, sed et cogitationum tuarum facere participes.

Vale cum tua⁹

1 Copie Den Haag, ARA. Eerste afdeling coll. Hugo de Gr. Aanw. 1911 XXIII no. 2, p. 51. Gedrukt Epist., p. 252. Beantw. d. no. 2782. Betreffende geadresseerde, Mericus Casaubonus, zie V, p. 66 n. 5.

2 Niet meer aanwezig.

3 Johan van Reigersberch; hij was de zoon van de gelijknamige in 1632 overleden rentmeester van Zeeland Bewester-Schelde, Maria's oudste broer.

4 Adam Steuart; op 8 mei 1635 besloten curatoren van de Leidse universiteit de als extra-ordinarius gezant in Parijs vertoevende dr. Adriaen Reyniersz. Pauw te doen informeren of Steuart geschikt en eventueel bereid zou zijn een benoeming tot professor Logices et Physices te aanvaarden. In de vergadering van 29 mei 1643 wordt zijn candidatuur opnieuw gesteld en op 22 augustus 1644 wordt Steuart, die toen in Londen was, benoemd; op 9 februari 1645 wordt in de vergadering van curatoren een brief van Steuart voorgelezen dd. 14 Kal. Decemb. 1644, waarin hij mededeelt de benoeming te aanvaarden.

5 Pierre Dumoulin; zie over hem III, p. 158 n. 10.

6 William Laud; hij was sedert 1633 aartsbisschop van Canterbury.

7 De copie te Den Haag heeft ‘non’ in plaats van ‘cum’.

8 Zie voor deze brieven van Isaac Casaubonus IV passim; zie ook III, p. 174 n. 11.

9 De vrouw van Casaubonus is mij niet bekend; van zijn kinderen ken ik slechts John (1636-1692), geneesheer te Canterbury. Aan het grafschrift van de vader was nl. het volgende

[p. 308]

⁹ ac tuis quam suavissime.

9 toegevoegd: Hic etiam jacet Johannes, Merici filius; et Mericus, Johanis filius. Illius aetatis 56(92), hujus 6(79).

[p. 308]

Tuus optimo animo
H. Grotius.

Lutetiae, V Augusti novi Calend. MDCXXXVI.