Briefwisseling van Hugo Grotius. Deel 7

2774. 1636 september 26. Aan S. Bielke⁴.

Illustrissime Domine,

Parum uberem scribendi materiam nobis suppeditat temporis huius inertia, per aequatas tum in Picardia tum in Burgundia bellantium vires. Magni sunt exercitus in Picardia et locis vicinis, quinquaginta non minus millium et ex Gallica et ex Hispanica parte. Hi Corbia bene munita Dorlanum obsident. Illi Royam receperunt.

In Italia iniquum certamen. Dux Parmensis⁵ caeso aut capto ejus milite, Rotofredum qui obsidebat, Placentiae haud ausus consistere Parmam refugit. Eo quoque insecutus eum est Martinus Arrago, dux Hispanus⁶, et ex parte Padi altera, quae Cremonam respicit, tendit eodem cardinalis Trivultius⁷, quo facilius inter se jungantur imposito flumini ei ponte. Pontem alterum eidem amni ad Bassignanam imposuit summae belli impositus Leganesius⁸ Montisferratensi, ut videtur, regioni imminens, quo se recepere Galli, ut in Pedemontanos agros Sabaudi nihil molientes perpetuis inter male sociatos discordiis.

Mari nihil fit nec magis in Valle Telina.

Valde, quod dolendum, abalienatus a re Gallica Rhaetorum animus.

4 Copie Den Haag, ARA. Eerste afd. coll. Hugo de Gr. Aanw. 1911 XXIII no. 2, p. 77. Gedrukt Epist., p. 266. Over geadresseerde, Sten Bielke, zie men no. 2658, p. 241 n. 9.

5 Odoardo Farnese, hertog van Parma.

6 Don Martin de Aragon; zie over hem no. 2762, p. 395 n. 5.

7 Giovanni Giacopo Theodoro, kardinaal Trivulzio, prins van Mesocco, graaf van Melzo († 1657).

8 Diego Mexia Felipes de Guzmán, markies van Leganès.

[p. 409]

Angli etiamnunc Ratisbonensia consulta exspectant et, ut multi iudicant, conditionibus etiam mediocribus faciles se et tractabiles Austriacis praebebunt; quod quo magis credamus, faciunt istae alienissimo tempore resuscitatae et indies magis magisque calescentes cum Batavis controversiae.

XIX mensis huius ex novo Calendario, quod hic sequimur, copiae cardinalis Valettae¹ et ducis Bernhardi², quibus se Ransovius³ coniunxerat, cum eo milite, quem habuerat princeps Condaeus⁴, erant Montsavioni: Champliti Gallassius⁵ et dux Carolus⁶ intervallo leucarum trium in collimitio Burgundiae.

Deus, Illustrissime Domme, Tuam Illustrissimam Dominationem servet ac sospitet.

Lutetiae, XVI/XXVI⁷ Septemb. MDCXXXVI.

Significant Batavi per legatum suum⁸ regi Britanniae⁹ se novum piscarium vectigal non toleraturos.

Naves Hispanicae XXVII Dunquercam ingressae sunt cum IV^m et ultra militibus non sine culpa classis Batavae.

1 Louis de Nogaret d'Epernon de La Valette.

2 Bernhard, hertog van Saksen-Weimar.

3 Josias, graaf van Rantzau; zie over hem VI no. 2343, p. 327 n. 13.

4 Henri de Bourbon, prins van Condé.

5 Matthias, graaf Gallas, generaal-majoor in dienst van Ferdinand II.

6 Karel IV, hertog van Lotharingen.

7 Verbeterd uit een schrijffout in de Haagse copie: XVI/XXVII.

8 Albert Joachimi, heer van Hoedekenskerke.

9 Karel I.