Briefwisseling van Hugo Grotius. Deel 7

2773. 1636 september 25. Aan Willem de Groot¹.

Literas, mi frater, tuas 18 Septembris accepi datas 26 Augusti². Et tardae saepe ad nos perveniunt epistolae et intercidunt nonnunquam obreptis terra itineribus, mari, ut fert ejus natura, incertis.

De Petro³ curae nobis erit. Quod autem de Brasiliano itinere scripseram⁴ sub tanti nominis duce⁵ non posse id ei non honestum esse, etiam nunc videtur. Rerum maritimarum exacta cognitio cum literarum quamvis mediocri profectu multum illi commendationis apud Batavos, Suedos, aut alios adferre poterit. Si non allubescit hoc, volo Hagae sit hac hyeme, apud te, si res tuae ferunt, si non, apud alium aequa mercede, et exscribat formulas libellorum, actionum, defensionum et omnem illam pragmaticae scriptionis farraginem; quem ego laborem olim concoxisse memini. Deinde sub ver ad nos veniat Aureliae titulum iurisconsulti accepturus, ut deinde Hagae perceptis rebus forensibus Amstelodamum redeat isti se tribunali, ut lucrosiori, dediturus. Auctor ei ad omnem diligentiam, ut semper fuisti, ita et nunc sis, precor.

Salmasius⁶ paratus est mare transmittere. Graswinckelius⁷ multum ne perrexerit in responso ad Seldenum, scire aveo. Video ista non joco ab Anglis agi. Sed volunt credi in arcano se cum proceribus Hollandiae convenisse: et Ioachimium⁸ perferre pactorum approbationem.

De Heinsio⁹ mira narras. Non male ei volo. Si qua in parte filio ejus¹⁰ prodesse potero, faciam. Exercitationes ejus¹¹

1 Gedrukt Epist., p. 863. Antw. op no. 2727.

2 No. 2727.

3 Grotius' tweede zoon Pieter, die voor zijn studie in het vaderland verbleef.

4 Vgl. no. 2732 van 28 augustus.

5 Johan Maurits, graaf van Nassau-Siegen; zie no. 2726, p. 345 n. 13.

6 De Franse klassiek-filoloog Claude de Saumaise, hoogleraar te Leiden; hij bevond zich met verlof in zijn vaderland.

7 Theodoricus Graswinckel; vgl. ter zake no. 2588, p. 143 en n. 2 aldaar.

8 Albert Joachimi, heer van Hoedekenskerke, ordinarius ambassadeur van de Republiek in Londen.

9 Daniel Heinsius.

10 Nicolaes; vgl. no. 2727, p. 346 en n. 11 aldaar.

11 Danielis Heinsii Sacrarvm Exercitationvm ad Novvm Testamentvm Libri XX. In quibus Contextus Sacer illustratur, SS. Patrum aliorumque sententiae examinantur, Interpretationes denique antiquae aliaeque ad eum expenduntur. Qvibvs Aristarchvs Sacer, emendatior nec

[p. 408]

¹¹ ubi prodierint, rogo ad me veniant.

11 paulo auctior, Indicesque aliquot vberrimi accedunt. Lvgdvni Batavorvm, Ex Officinâ Elseviriorum. MDCXXXIX.

[p. 408]

Paratum habet adversarium Salmasium. Id gaudebunt interpretes non LXX, sed Lugdunenses.

Quid princeps Arausionensis¹ agat, scire velimus. Ab aliquo tempore nihil ad nos venit literarum. Et hic et in Burgundia et in Italia parum agitur, nisi quod Roiam recepere Galli, ad Dorlanum ire dicuntur Hispani.

Valete, amici omnes.

Lutetiae, 25 Septembris 1636.

Scripsit hodie ad te uxor literas, quas cum vestibus Petro hic factis misit ad Treselium². Si quid ultra opus habet, sume e reditibus nostris sive mortalibus sive immortalibus, ut res feret. Audio ex multis ei non parum temporis perire. Ego et ipsum et alios filios ita pro meis habeo, si diligentiam meam imitentur.

Has ad D. Blanckiam³ literas curandi negotium in te suscipias, si prope est, sin minus, certo amico mandes rogo.

Tuus tibi obligatissimus frater
H. Grotius.

1 Frederik Hendrik.

2 Daniel Tresel te Rouaan.

3 Wellicht een verschrijving voor Blonckiam; dan is Suzanna van Reigersberch bedoeld, weduwe van dr. Anthonie Bloncke.