Briefwisseling van Hugo Grotius. Deel 6

2357. 1635 november 22. Van C. de Groot⁹.

Venerande Pater,

Tertium iam diem Amstelodami ago nec ulla mihi obvenit occasio eo discedendi; cumque aliam non inveniam, statui sub vesperam cum navibus in id desti-

9 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 25. Eigenh. oorspr.

[p. 346]

natis in Frisiam traiicere, solus initurus iter et periculosum et difficile hac anni tempestate.

Amicos omnes in transitu tuo matrisque nomine salutavi, in Zelandia primum cum Caleto Flissingam pervenissem, tum etiam in Hollandia. Dominum Camerarium¹ Delphis allocutus sum, cum eo se contulisset morbi metu quo Lugdunum et Haga multum nudantur civibus, Hagae Reigersbergium avunculum meum², qui etiam suo nomine Spiringio³ me commendavit per litteras, quas dedit mihi cum reliquis curandas.

Multus hic de pace sermo, cum nihil aeque optet plebs tributis vectigalibusque exhausta. Princeps⁴ Arnhemi agit, quo conventuri creduntur Hispanarum partium super hoc negotio de legati. Schenckianum⁵ interim obsidetur, cuius in introitu sitam arcem, Bilandiam nomine, caepere nostri, utilem excludentis hostibus tollendoque quam cum illis habebant obsessi commercio. Amissum interea Limburgum iam audieris.

Palatinus elector⁶ cum Rijngravio⁷ et modico insuper comitatu Angliam petit, Brezaeus⁸ Galliam. De Valentia obsidio liberata nullus hic sermo; sunt qui credunt Bannerium⁹ cum Saxonico exercitu conflixisse, et quidem fuisse praelio superiorem; intellexi id ex Camerario primum, tum etiam ex aliis eorum quae geruntur haud plane ignaris.

Plura tibi et certiora scribet avunculus¹⁰; interim volui ut me mei scires officii memorem et quae iter meum spectant, ea non ignorares, in quo et periculum omne et tarditatem evitabo.

Deum veneror ut te, venerande pater, matremque sospites nobis servet.

Tuus tibi obedientissimus filius
Cornelius Grotius.

1 Ludwig Camerarius, Zweeds gezant in Den Haag.

2 Nicolaes van Reigersberch.

3 Petter Spiring Silvercrona, raad van financiën van Zweden.

4 Frederik Hendrik.

5 Betreffende Schenkenschans zie no. 2241, p. 175 en n. 1 aldaar.

6 Karl Ludwig, oudste zoon van de in 1632 overleden Winterkoning Frederik V van de Palts.

7 Rijngraaf Otto (?).

8 Urbain de Maillé, markies van Brezé.

9 Johan Gustavsson Banér, Zweeds maarschalk.

10 Zie nos. 2361 en 2364.

Amstelodami, XXII Nov. MDCXXXV.

Adres: Monsieur, Monsieur Grotius, Ambassadeur de Suède à Paris.

In dorso schreef Grotius: 22 Nov. 1635 C. de Groot.