Briefwisseling van Hugo Grotius. Deel 6

2190. 1635 juli 21. Van Willem de Groot⁸.

Frater optime,

Litterae tuae XXVIII Junij⁹ ad me datae eo mihi fuere gratiores, quod longo

8 Hs. Den Haag, ARA. Eerste afd. coll. Hugo de Gr. Aanw. 1911 XXIII no. 24. Eigenh. oorspr. Antw. op no. 2162; beantw. d. no. 2226.

9 No. 2162.

[p. 100]

tempore nihil a te acceperam interrupto per belli denuntiationem commercio, quod brevi alia via restitutum iri confido.

De rebus Gallicis ne verbum quidem scribis, quare metuo, ne, quod de regis¹ in Artesiam irruptione hic pervulgatur, verum non sit.

Postquam a Lovanio nos penuria commeatus et Croatarum equitum adventus pepulit, princeps² Tiena deserta, Diesta sexdecim centuriarum praesidio firmata viam, qua in Brabantiam interiorem venerat, remensus est et jam inter Ruremondam et Venlonam castra habet. Interea et Diestam post binos insultus egregie toleratos et repulsos hostibus reddidit Wijnbergius³, qui illic cum sua cohorte erat relictus. Itaque jam ex tanto paratu nihil restat praeter pudorem et lacessiti frustra hostis conscientiam. Putant aliqui fore, ut Trajectum ad Mosam obsideant hostes; alii dicunt ei urbi tam bene a militibus, commeatu, iisque, quae ad propugnationem necessaria sunt, ita esse provisum, ut ante hyemen deditionem sperare non possint, et ita jam eorum res esse accisas, ita vastatam Brabantiam, ut nihil jam tale timendum sit.

Mortuus et sepultus est hac septimana Gerardus Santenus⁴, e judicibus quondam tuis, is jam diu tabescens, nuper etiam cum a pensionario Brassero⁵ bene exceptus domum scapha reveheretur, in maenibus Delfensibus - loco Duvels-gat nomen est - aquis immersus vix enatavit, unde morbo intra octiduum aucto tandem obiit, cum magna, non cum bona fama: nemo civium est, qui ejus memoriae faveat, cum paucis omnino profuerit, nocuerit plurimis.

Libros, qui Amstelodami fuerunt, jam missos esse retulit mihi Brasserus⁶: reliqua ubi occasio offeretur mittam: sed scire velim, quid de chartis Roterodamensibus fieri velis, nam Reigersbergius⁷, Roterodamenses brevi aliquid ea de re constituturos asseverat, et certum est autographa et hic et illic esse non posse: si apographa tibi sufficiant, nescio.

De testimonio Delfensi adhuc laboro, nunc hic nunc ille absunt, quod mihi magnas in re, quae alias facilis videtur, creat molestias, neque quicquam in senatore⁸ praesidii.

Mitto jam a Vossio⁹ litteras itemque a remonstrantibus, quibus et ego preces meas adjungo, ut, si qua fieri potest, operam des, ut, quod ex legato Tileniano¹⁰ restat, ad nos remittatur, nam, ut quod res est loquar, nemo hic putat rem in tuto esse, antequam pecunia e Galliis huc perlata sit.

Quid tibi de dominio, quod rex Angliae¹¹ sibi in mare asserit, videatur, quaeso intelligam.

1 Lodewijk XIII van Frankrijk.

2 Frederik Hendrik.

3 Johan van Wijnbergen (1590-1658); hij had zich op 8 juli overgegeven onder beding van vrije aftocht naar 's-Hertogenbosch.

4 Gerrit Beukelsz. van Santen.

5 Govert Brasser, pensionaris van Delft.

6 Joost Brasser.

7 Nicolaes van Reigersberch.

8 Nicolaes van Reigersberch.

9 G.J. Vossius; waarschijnlijk is brief no. 2186 bedoeld.

10 Daniel Tilenus († 1 augustus 1633); vgl. no. 2180.

11 Karel I. Vgl. ter zake o.a. no. 2133 in fine.

[p. 101]

Salutant parentes¹ et uxor mea² te tuamque et liberos.

Vale.

Tibi obedientissimus frater
Guilielmus Grotius.

1 Jan de Groot en Aeltgen van Overschie.

2 Alida Graswinckel.

Hagae, XXI Iulij 1635.

Adres: A Monsieur Monsieur Grotius, Ambassadeur de la Reine et couronne de Suède vers le Roy Très-chrestien A Paris.

In dorso schreef Grotius: 21 Iulii 1635. W. de Groot.