Briefwisseling van Hugo Grotius. Deel 6

[p. 86]

2181. 1635 juli 16. Aan L. Camerarius¹.

Illustrissime Domine,

Valde mihi dolet ita ab hoste per Germaniam Belgicumque intersepiri literarum transitus, ut heic in maximis quasi tenebris versemur ignari, quae nostra nunc, quae hostium sint. Bona fortuna ad me D. Ryngravii² literas pertulit datas XXII Maii vet. cal. Maguntiaci, quae res ibi, contra quam heic nuntiatum et in aula creditum fuerat, quietas adhuc nuntiant.

A duce Bernhardo³ habemus hic Ponicam, cui rex⁴ promisit et validum a se exercitum illis in locis brevi futurum et pecuniae nonnihil ad alimenta militis ejus, qui sub ipso duce Bernhardo est et in praesens eidem militi mensis stipendium. Rex ipse constituit propius ad eum finem accedere et ducem Bernhardum coram complecti.

Ex Valle Telina habemus Rohanii⁵ literas de sex millibus hostium a se partim trucidatis partim fugatis ad pontem Adduae inter Bormium, quod hostis tenet, et Tiranum castellum, quod ipse paulo ante recuperaverat.

Ab Anglia legatus⁶ jam in itinere est. Metuo novas cum ea gente controversias, quando toto illo mari, quod ipsos Galliaeque et Belgicae conjuncta littora interfunditur, suppara sibi ab aliis omnibus submitti volunt et pisces ad vectigal vocant. Habebimus brevi iis de rebus Seldeni commentarium⁷.

Et Polonus⁸ et Danus⁹ suos in Viennensi aula habent, ille, ut exploret, quid auxilii sperandum habeat, si nobiscum inducias repudiet, hic vero, ut praesidia comparet possessioni episcopatus Bremensis.

Hucusque si non laetus, certe medio animi statu scripseram, cum literas accipio nimis certas de capta Wormatia; utinam ne jam et illud, quod de Maguntiaco huc nuntiatum fuit, verum reperiatur. Oppidum tale est, ut, si tanti sit hosti eo divertere, quin se dedat, conditio nulla sit recusanda. Talia solent esse oppida, quae a sacerdotibus reguntur.

Episcopi Galliae jam suo responso fratris regii¹⁰ conjugium irritum pronuntiarunt freti Galliae moribus, e quibus pontificum sanctionibus, quoties id expedit, reperiunt quae opponant.

Seditionum tributariarum in ultimis Galliae partibus igne nonnihil sedato manent cineres non sine metu resurrecturi incendii inflammantibus monachis, quorum multi externis potestatibus quam suo regi sunt addictiores. Quid ultra futurum sit, novit is, qui omnia. Sed hic annus videtur res magnas parturire.

Eum et sequentes toto animo omnes, Illustrissime Domine, tibi felices precor

1 Copie Uppsala, UB., cod. 388 a, Ep. 13. Gedrukt Epist., p. 161. Geadresseerde, Ludwig Camerarius (1573-1651), was Zweeds gezant in Den Haag.

2 Rijngraaf Otto; zie no. 2178, p. 78 n. 8.

3 Bernhard, hertog van Saksen-Weimar; Tobias von Ponikau was zijn raad en gezant.

4 Lodewijk XIII van Frankrijk.

5 Henri, hertog van Rohan.

6 John Scudamore; zie no. 2169, p. 65 en n. 4 aldaar.

7 Over John Selden en zijn Mare Clausum zie V no. 2126, p. 515 en nn. 7, 8 en 9 aldaar.

8 Wladislas VII (IV), koning van Polen.

9 Christiaan IV, koning van Denemarken.

10 Gaston Jean-Baptiste de France, hertog van Orléans; men trachtte zijn huwelijk met Margareta van Lotharingen, op 3 januari 1632 in het geheim gesloten, ongeldig te doen verklaren; vgl. Merc. Franç. XX, p. 849 vv.; p. 989 vv. Vgl. no. 2155, p. 41.

[p. 87]

et tuis, quos inter si speciatim nominem nobilissimum filium tuum¹, faciam id meo jure, amicus ejus vetus.

Illustrissimae Dominationi Tuae observantissimus
H. Grotius.

1 Joachim (1603-1687).

XVI Iulii novi Cal. MDCXXXV.

Adres: A Monsieur Monsieur Camerarius, Ambassadeur pour la Reine et Couronne de Suède prez Messieurs les Estats Généraux des Provinces Unies. A la Haie.

Boven aan de brief in de copie te Uppsala in margine: R.A.^o 1635 3 Augusti st. n.