Briefwisseling van Hugo Grotius. Deel 6

2136. 1635 juni 6. Aan Christina van Zweden³.

Magis magisque bellum a Gallia in Hispanum⁴ procedit. Nam fecialis⁵ a rege Galliae⁶ missus Bruxellas 19 Maji novi cal. advenit et post multum morae; frustra sperato sibi ad cardinalem Hispanum⁷ datum iri aditum, cum aliter rei mandatae sibi significationem edere non posset, perscriptam belli denuntiationem ob electorem Trevirensem⁸ libertati non redditum in viam publicam populo lectam prius projecit egressusque urbem in ultimo Belgarum fine similem chartam depacto palo adfixit. Neque res verbis discongruunt. Nam post Marcham ad Faminam Orcimontium et Rupisfortis in Lutsenburgico fine oppida a Gallis capta cumque his progredientibus objecisset se Thomas Sabaudus princeps⁹ valido cum Hispanorum exercitu, prolicuere hos Galli quasi munimenta, quibus illi tenebantur, assulturi, dejectosque se simulantes, duabus ex partibus, in quas se Galli diviserant, Hispanicum militem eo impetu sunt adorti, ut eques quidem facile cesserit, pedes non incruento praelio fusus fuerit damno multum impari; nam Gallorum pauci occubuere, Hispanorum quatuor, ut alii volunt sex millia, captae machinae sedecim, signa sexaginta, homines iique nobiles plurimi¹⁰. Lafortio¹¹

3 Gedrukt Epist., p. 151.

4 Philips IV van Spanje.

5 Vgl. V no. 2110, p. 492 en n. 10 aldaar.

6 Lodewijk XIII.

7 Don Fernando; zie over hem IV, p. 412 n. 11.

8 Philipp Christoph von Sötern; vgl. V no. 2097, p. 473 n. 1.

9 Tommaso Francesco van Savoye, prins van Carignano; zie voor het relaas van de Franse overwinning no. 2132, p. 4.

10 O.a. Emmanuel Pimentel, graaf van Feria, en de bastaard don Carlos; zie no. 2133, p. 8 en n. 4 aldaar.

11 Jacques Nompar de Caumont, markies van La Force; vgl. no. 2132, p. 4.

[p. 13]

quoque crebrae cum Lotharingis pugnae, in quarum una atque altera hostium, Crabatorum maxime, caesi supra sexcentos. Et ne extra finem occupatis exercitibus in Galliam irrumpat hostis, omnes feudorum possessores rex e more veteri ad arma evocavit. Caetera, quae variis in locis geruntur, minora sunt, quam ut ad summam rerum momentum adferre possint.

Arma in solo Belgico quo processura sint, avide omnes exspectant simulque edictum, quo rex Belgas omnes ad libertatem vocaturus creditur¹.

In Italia nihildum movetur. In aula, quae ad Castellum Thidrici haeret, fui his diebus tum, ut pecuniam pridem promissam regno Suedico flagitarem, tum ut amicorum in Germania commendarem negotia. Regem reliqui recte valentem et partis victoriis laetum plenumque bonae spei; cardinalem² valetudine minus firma, quam res tot ac tantae per Galliam nationesque externas ipsius sollicitudini incumbentes desiderant.

Rex Maximus regum omnia haec ad commune Cnristianitatis bonum dirigat Tuamque Majestatem, Serenissima ac Potentissima Regina, Domina mea Clementissima, favens tueatur.

Tuae Augustae Majestati obedientissimus subditus
H. Grotius.

1 Zie no. 2135, p. 11 en n. 16 aldaar.

2 De Richelieu.

Lutetiae, 6 Iunii novi cal. 1635.