Briefwisseling van Hugo Grotius. Deel 6

[p. 11]

2135. 1635 juni 6. Aan L. Camerarius¹.

Illustrissime Domine,

Sollicitos nos diu habuere adversae tempestates, quae maximum cancellarium² mari jactarunt. Tandem et advectum ad vos et pro meritis acceptum quo oportet gaudio didicimus.

Quo tardius princeps Arausionensis³ se exercitumque molitus est, eo major injuncta fuit Gallis necessitas agendi aperte bellumque indicendi primum per fecialem⁴ Bruxellae die Maji XIX novi calend., projecta, quando ad cardinalem Hispanum⁵ aditus non dabatur, charta in viam publicam similique alia in ipso Belgarum fine depacta; deinde et gerendi captis quidem post Marcam in Famina Orcimontio et Rupeforti, praelio autem commisso Maii⁶ die XX Castilionaeum⁷ inter et Thomam principem⁸ adeo felice Gallis, ut ipsorum 50, ut ajunt, hostium 6 mille ceciderint, capta sint signa 60, 17 machinae, multi viri et quidem praenobiles.⁹. Laudatur multum non fortitudo tantum, sed et prudentia Castilionaei, qui simulata oppugnatione hostilis valli et, quasi impares essent, facto recessu erumpentem hostem ita duabus ex partibus implicuit, ut eques quidem statim neque multo post pedes cesserit.

In Lotharingia crebrae Lafortii¹⁰ cum hostibus pugnae Marte, ut fit, vario; sed maxime nobilitantur quae 22 et 23 Maji felices ipsi fuere hostium caesis ferme sexcentis. Lafortius retro acto trans pontem Brissacensem Lotharingo¹¹ Betfurtum obsidet.

Burdegalae seditio¹² resedit¹³. Rex¹⁴ in prioris illius victoriae publicatione adjecit bellum a se Hispano¹⁵ indictum. Vocavit et ad arma vassallos valvasoresque tuendum ad regnum, si eo alibi occupatis regis exercitibus pars hostium imcumberet. Nunc exspectatur edictum regis¹⁶, quo proposuit suam pro libertate Belgarum curam testari. Inde et ex iis, quae in posterum gerentur, certior erit posthac futuri conjectura. Regem ipsum ad Castellum Thidrici reliqui et valentem et laetum his successibus. Cardinalem¹⁷ minus quam optandum est prospera utentem

1 Copie Uppsala, UB., cod. 388 a, Ep. 9. Gedrukt Epist., p. 152.

2 De Zweedse rijkskanselier Axel Oxenstierna.

3 Frederik Hendrik.

4 Vgl. V no. 2110, p. 492 en n. 10 aldaar.

5 Don Fernando; zie over hem IV, p. 412 n. 11.

6 De copie te Uppsala geeft abusievelijk: Martij.

7 Gaspard de Coligny, graaf van Châtillon; zie over hem V no. 2100, p. 476 n. 4.

8 Tommaso Francesco van Savoye, prins van Carignano; voor het relaas van de Franse overwinning vgl. no. 2132, p. 4.

9 O.a. Emmanuel Pimentel, graaf van Feria, en de bastaard don Carlos; zie no. 2133, p. 8 en n. 4 aldaar.

10 Jacques Nompar de Caumont, markies van La Force; vgl. no. 2132, p. 4.

11 Karel IV, hertog van Lotharingen.

12 Vgl. V no. 2118, p. 502.

13 Deze drie woorden besluiten in de copie te Uppsala het postscriptum.

14 Lodewijk XIII van Frankrijk.

15 Philips IV van Spanje. Voor het edict zie p. 15 n. 10.

16 Hs. Parijs, Arch. des Aff. étr. Pays-Bas, tome XI 1635/6. Bibl. imp. Fonds Brienne 351, f. 37. Mercure Franç., XX, p. 933; Knuttel, Pamfl., no. 4357; Aitzema, Saken van Staet en Oorlogh II, p. 206 vv.

17 De Richelieu.

[p. 12]

valetudine; cui juvandae venam pedis secari sibi jusserat ne sic quidem omni malo liberatus.

Deus maximo cancellario reliquum iter felix largiatur celeremque adventum in eas partes, quibus ipsius praesentia his praesertim temporibus et fluctuantibus circa pacem Pirnensem¹ consiliis maxime est necessaria. Saxonem² auditis his Galliae molitionibus destiturum a pacis cogitatione idque ab ipso sub ea conditione promissum regi aula haec credi vult aliis dubitantibus.

Det deus optima teque, Illustrissime Domine, cum omni familia florentem servet.

Lutetiae, 6 Iunii novi Cal. anni MDCXXXV.

Literae ad maximum cancellarium et aliorum et meae ad ipsum, ububi erit, permittantur rogo.

1 Vgl. no. 2131, p. 3 n. 8.

2 Johann Georg, keurvorst van Saksen.

Adres: Ludovico Camerario, Reginae Regnique Sueciae Consiliario et Legato apud Praepot. Ord. Foeder. Belgii.

Boven aan de brief in de copie te Uppsala in margine: Redd. 6/16 Iunij A.^o 1635.