Briefwisseling van Hugo Grotius. Deel 5

2099. 1635 mei 14. Van Willem de Groot¹².

Frater optime,

Hac et postrema vice nullas a te vidimus litteras, cum tamen omnia hic iis, quae Gallia parturit, novis perstrepant: ego vix ullum tibi ab occupationibus otium superesse non dubito, sed hoc cum patre¹³ rogo, ut, si tu vacare non potes, filius certe tuus¹⁴ aliquid ad nos det litterarum, ne nos soli eorum, quae illic geruntur, simus incerti.

Hic magna rectoribus ex motu Gallico nata est expectatio, neque ambigitur, quin, si rex¹⁵ fidum se ex faedere¹⁶ socium praestiterit, accisae admodum Hispaniensibus res futurae sint.

Princeps¹⁷, cujus pedes jam rectius se habent, perendie hinc cogitat Neomagum versus discedere, ut cum exercitu hostica invadat aut se - quod quidam

12 Hs. Den Haag, ARA., Eerste afd. coll. Hugo de Groot, Aanw. 1911 XXIII, no. 24. Eigenh. oorspr. Beantw. d. no. 2120.

13 Jan de Groot.

14 Cornelis, Grotius' oudste zoon.

15 Lodewijk XIII van Frankrijk.

16 Op 8 februari 1635 te Parijs door Adriaen Pauw en Johan de Knuyt gesloten.

17 Frederik Hendrik.

[p. 475]

volunt - cum Gallis jungat. Interea Flandri Philippinae propugnaculum obsident et magno in paucos ibi praesidiarios impetu invecti operibus exterioribus illico sunt potiti: nunc fossa lata admodum ipsumque vallum defensioni superest, cujus potiri non posse creduntur, nisi actis ut in obsidione urbium fieri consuevit curriculis, quod tractum temporis requirit. Interea et Selandi milites et alia necessaria praesidio submiserunt, et eodem cum Altirivio¹ mittitur comes Guilielmus Nassavius², cum tribus aliis tribunis eorumque cohortibus, quae hesterno die Dordracum sunt praetervectae.

Nos omnes recte valemus, nisi quod mater³ indies debilitatur, et desinit aliquando officium suum facere memoria. Insignia familiae nostrae⁴ cum casside proxima vice mittam, nunc ea a pictore⁵ ducaeniis Hagiensibus aliquid indulgenti exsculpere non potui.

De testimonio in causa tua Delfenses conveni, ii memoriam suam refricare mutuo promiserunt, ut, quid sibi de ea re compertum sit, testentur.

De Philippinae obsidione nunc demum certiora intelligo, esse jam in propugnaculo quantum satis est, militum, et egregie pugnari, nostros bene de summa rei sperare, quippe cum hostis eos undiquaque cingere nequeat, sed tantum ab orientali parte operibus exterioribus potitus inde assultum parare debeat. Nostri hostes ex iis quae primo impetu coeperant propugnaculis, in horam unam exegerunt, sed ii rursus duplicatis viribus nostros expulere: octingentos jam in illa obsidione ab utraque parte occubuisse rumor est.

Litteras has ad te ut curarem Daetselarius⁶ rogavit.

Vale, et a me meaque⁷ et sorore Losecatia⁸ salve cum uxore et liberis.

Didericus⁹ in castra, Petrus¹⁰ Amstelodamum profectus est et scribit hic poemata tua sacra¹¹ jam omnino esse impressa.

Hagae, XIV. Maij. 1635.

Tibi obsequentissimus frater
Guilielmus Grotius.

1 François de l'Aubespine, markies van Hauterive.

2 Willem, graaf van Nassau-Siegen, veldmaarschalk.

3 Aeltgen van Overschie.

4 Hierover herhaaldelijk in voorgaande brieven; zie o.m. nos. 2063, 2074 en 2091.

5 Misschien de Haagse graveur Evert Krynsz. van der Maas; vgl. no. 2122.

6 Abraham Daetselaer; zie over hem III, p. 229 n. 5.

7 Alida Graswinckel.

8 Adriana de Groot, gehuwd met Frederik van Losecaat.

9 Diderik, Grotius' derde zoon, studeerde vestingbouwkunde onder Johan van den Bosch.

10 Pieter, de tweede zoon, verbleef eveneens om studieredenen in het vaderland.

11 Tragoedia Sophompaneas. Accesserunt, Tragoedia ejusdem Christvs patiens, et sacri argvmenti alia, Ex editione anni MDCXVII recusa emendatiora. Amsterdami, Apud Gvilielmvm Blaev, MDCXXXV. Zie Ter Meulen-Diermanse, no. 157.