Briefwisseling van Hugo Grotius. Deel 5

2098. 1635 mei 13. Van A. Oxenstierna³.

Illustrissime Domine legate,

Quicquid tibi oneris ac molestiae a me praesente gratum est, id quidem mihi sed magis tibi ipsi imputandum quod volueris.

Uxori tuae signum animi bene affecti offerri iussi non quia me noveram debere. Debitum occasione alia alioque modo exsolvam. Tuum erit cuncta ex affectu interpretari. Non commendo tibi Broersonium⁴, quem tua sponte in aedes tuas recepisti; liberasti me maxima cura et solicitudine, quisquis morbi exitus futurus sit. Ego diuturniorem vitam et firmam valetudinem ipsi voveo, sed cum sit, ut cuncta, in manes abiturus, hoc abs te peto, des operam, ut restitutus valetudini quantocius ad me veniat aut defunctus cum honore sepeliatur. Sumptus in utrumque casum factos illico rependendos curabo.

Literis ad Heufdium⁵ de subministrandis tibi necessariis hisce adiunxi; ubi venero in Saxoniam, curabo, ut Spiringius⁶ tibi provideat.

Butilerium⁷ transiisse Lutetiam nullis ad Bulonium⁸ adportatis mandatis de mihi satisfaciendo mirarer, nisi rationes istorum hominum jam ante essem edoctus.

Admonitus abs te scripsi et cardinali⁹ et Butilerio literas, quas ut reserare possis et legere apertas abs te claudendas volui mittere. Da operam, ne desit interpellator. Quodsi bona spes nulla sit, interest mea, ut id sciam, nec deerit ratio providendi rebus meis(?).

Ego hesterna die huc Diepam veni, cum die antecedente binae naves Belgicae pro me deducendo adpulissent. Favor Dominorum Ordinum mihi exhibitus me valde ipsis obstrictum tenet.

Haereo adhuc, utrum in Belgium divertere an recta Hamburgum traijcere cupiam. Ut id velim, faciant literae Camerarii¹⁰, qui Dominos Ordines et principem¹¹ etiam aliquot dies hac de causa mansisse Hagae Comitis scribit, licet princeps nonnihil sit impeditus ob corporis minus commodam valetudinem.

Ut hoc magis expetam patriae meae rationes et status Saxoniae satis perturbatus hortantur.

3 Hs. Den Haag, KB., coll. Corn. de Groot IV 13c. Eigenh. oorspr. Antw. op no. 2095?; beantw. d. no. 2110.

4 Erik Brorsson Rålamb, die ten huize van Grotius ernstig ziek lag; hij was een zoon van Axel Oxenstierna's nicht Anna.

5 Johan Heufft († 1652), bankier te Parijs en zaakgelastigde voor Zweden.

6 Petter Spiring Silvercrona.

7 Léon le Bouthillier, graaf van Chavigny; zie over hem III, p. 302 n. 12.

8 Claude de Bullion; zie III, p. 228 n. 10.

9 De Richelieu.

10 Ludwig Camerarius, Zweeds gezant in Den Haag.

11 Frederik Hendrik.

[p. 474]

Scribit Camerarius cuncta ad expeditionem in Belgio parata et coniunctionem cum Gallicis copiis sperari. Addit, sed nonnihil subdubitans, Saxonem¹ turbatum visa ratificatione Caesaris² cum anilia(?) tergiversatione ac limitatione, ut non desint, qui illos pacis Pirnensis³ temtatus ruptos scribant. Sed de his certiora, ubi venero propius.

Meministi me cum pictore⁴, qui me depinxerat, egisse, ut quasdam imagines iusta cura depictas ad me mitteret. Sunt b.hae: regis Galliae⁵, reginae⁶, Henrici 4^ti, reginae matris⁷, ducis Airebauntis(?)⁸, cardinalis Richeliacii, mareschalli De la Force⁹, mareschalli de Brezé¹⁰. Et propria mea si possem quoque habere cardinalis d'Amboise¹¹, esset mihi gratum. Heufdius illi ad tua iusta satisfaciet.

Vale, et nos ama.

Raptim Diepa, die 13/3 Maij Anni 1635.

T. amicissimus
Axelius Oxenstierna m.p.

1 Johann Georg, keurvorst van Saksen; vgl. no. 1962, p. 292 n. 1.

2 Ferdinand II.

3 Gesloten in november 1634; zie no. 1962, p. 292 n. 1.

4 Daniël Dumoustier (1574-1646), hofschilder van Lodewijk XIII van Frankrijk; zie over hem ook o.a. deel IV, p. 243 en de verwijzing in n. 9 aldaar.

5 Lodewijk XIII.

6 Anna van Oostenrijk, koningin van Frankrijk.

7 Maria de Medici.

8 Naam moeilijk leesbaar; mij niet bekend.

9 Jacques Nompar de Caumont, markies van La Force.

10 Urbain de Maillé, markies van Brezé.

11 Wellicht Georges d'Amboise (1460-1510), kardinaal-aartsbisschop van Rouaan en eerste minister van Lodewijk XII; hij was tevens een verdienstelijk hervormer op kerkelijk gebied.