Briefwisseling van Hugo Grotius. Deel 5

2095. 1635 mei 11. Aan A. Oxenstierna⁵.

Excellentissime Domine,

5 Hs. Stockholm, RA., Eigenh. oorspr. Gedrukt Epist., p. 147; Oxenst. Skrifter 2. afd II, p. 33. Beantw. d. no. 2098?

[p. 471]

Alter nunc septimus est dies, quod nobilissimus D. Broersonus¹ in morbo cubat, hoc ipso tempore, quod criticum vocant medici, sudor sponte ei exortus laborantis pro se naturae indicium dedit.

De augendis navibus longis quod edictum a rege² exiit, mitto. Conjectura non absurda est, qua novae e Gallia copiae sub imperium principis Arausionensis³ iturae dicuntur nomen praelaturae non regis ipsius, sed eorum principum ac comitum, qui ex Brabantia exsulant⁴, ut adhuc sub aliena persona lateat bellum et versa quo libet interpretatione pax aliis manere, aliis rupta dicatur, ut ille apud Martialem,

Subsellio qui semifultus extremo,
Et vix receptus altero genu jactat
Equiti sedere Lectioque se stare⁵.

Rex Feram venit, inde Laodunum ac porro Castellum Tiderici petiturus, ubi mihi erit aditu multo propior; abest enim is locus ab urbe non toto bidui itinere.

Frater regius⁶ jam Blesas rediit ad praescriptum sibi secessum.

Mazarinus⁷ non desinit satagere. Comes Salazarus⁸ e praecipua Hispanica nobilitate in custodiam heri heic datus est. Exercitus Gallicus a Mezeira movisse propius Hispanicas partes dicitur.

Deus haec omnia ad bonum commune christiani orbis regat idemque, Excellentissime Domine, tuae sublimitatis iter ac consilia fortunet.

Lutetiae, 11 Maji, novi cal. 1635.

Sublimitatis Tuae devotissimus cultor
H. Grotius.

1 Erik Brorsson Rålamb, die ten huize van Grotius ernstig ziek lag; hij was een zoon van Axel Oxenstierna's nicht Anna Oxenstierna.

2 Lodewijk XIII van Frankrijk; het edict in Mercure Franç. XX, p. 923.

3 Frederik Hendrik.

4 Dat zijn, afgezien van Hendrik van den Berg en René van Renesse, graaf van Warfusée, de reeds in no. 2075 genoemde Alexandre, hertog van Bournonville, en Guillaume de Melun, prins van Espinoy.

5 Martialis, Epigr. V 14-16. aant.

6 Gaston Jean-Baptiste de France, hertog van Orléans.

7 Jules Mazarin - Giulio Raimondo Mazzarini - extra-ordinarius nuntius van Urbanus VIII in Parijs.

8 Luis de Velasco, graaf van Salazar.

Adres: Axelio Oxenstiernae,

Sacrae Reg. Maj. Regnorumque Sueciae Senatori et Cancellario.