Briefwisseling van Hugo Grotius. Deel 4
(1964)–Hugo de Groot–
Auteursrechtelijk beschermd1547. 1630 oktober 11. Aan Willem de GrootGa naar voetnoot5.Quae nuntias literis 30 Septembris datis, mi frater, satis magna sunt. Et ni Hollandi nunc saltem fiunt perspicaciores quam fuerunt antehac, actum est de eorum imperio. Res religionis eam vim in animos habent, ut ad se trahant caetera. Deinde quod nunc in remonstrantes postulant, quis impediet, quin idem in anabaptistas aliquando postulent et pluribus Foederatorum sententiis nos cogant ad similia in ipsos patranda; quae res quanto damno sit Hollandiae futura, quis non videt. Et tamen non hoc curant ministri. Mirum est de SpinolaGa naar voetnoot6 rursus hic esse qui dubitent post tot de morte ejus nuntios. Galli prae se ferunt velle se liberare obsidio arcem Casalis intra postremos 14, ut convenerat Octobris dies, sed nihil illa res tenet Hispanos, qui pacem ne volunt quidem nisi capto hoc virium experimento. Rex die Martis venturo Lugduno huc veniet lectica ob infirmitatem corporis attriti morbo gravi ac periculoso. ReginaGa naar voetnoot7 periculo regis conspecto incipiebat se praegnantem dicere, quod multi socrusGa naar voetnoot8 repertum putant, ut sub ea specie aliquamdiu habenas retineret nec statim filius alterGa naar voetnoot9 pro certo rege ageret. | |
Butyrum exspectabimus et quae per amicos missurus es. De Petri profectuGa naar voetnoot1 mihi gratulor, perplacet conatus. Nos in CornelioGa naar voetnoot2 perpoliendo toti sumus. De HalsioGa naar voetnoot3 recte judicas. Est ἀνϑέϰαστος nec patiens consiliorum. Nos fecimus quicquid res nostrae ferebant. Sed tentanda illi via, qua se humo tollat, ne aliis sit oneri. Vale cum parentibusGa naar voetnoot4. 11 Octobris 1630. Tui amantissimus
|