Briefwisseling van Hugo Grotius. Deel 2

714. 1622 Jan. 6. Aan Willem de Groot⁴.

Nullas a te, Frater, ex Hollandia⁵ accepi. Puto iam esse quae veniant. Interea amisimus virum innocentiae supra saeculum Bossizium⁶ magno bonorum omnium desiderio. Is dolor publicum ferme omnis ordinis gaudium super morte Comitis stabuli⁷ pensavit: nam Regem a domestica servitute liberatum, si non vidit, audiit certe; atque id egregium mortis solatium habuit. Pacem regni sperare certe potuit, de qua rumores diversi. Putatur Rex brevi hic futurus auditurusque Rupellenses legatos, quod utinam recte succedat. Id enim et res intestinae Regni et externae desiderant. Princeps Condaeus³ statim post obitum Luinii ad Regem advolavit, studio occupandi principem⁸ vacuum et, quod additur, ex bello gloriam. Instrumenta Drentianae litis⁹ spero recte ad vos et per vos ad Tungrum¹⁰ curata.

4 Gedrukt Epistolae p. 762.

5 N.l. sedert zijn vertrek uit Parijs, zie p. 161 n. 7.

6 J. de Thuméry de Boisise, die 28 Dec. 1621 overleed.

7 De Luynes, 14 Dec. 1621 overleden.

3 Henri de Bourbon, prins van Condé.

8 Heeft de Groot zich hier verschreven, en moet ‘oecupandi locum vacuum’ gelezen worden? Zie n^o. 715.

9 Over het Drentsch proces wordt ook in volgende brieven gesproken; zie n^o. 717, 758, 794, 872.

10 Tungrus zal wel de p. 23 n. 4 genoemde Tongeren zijn.

[p. 166]

Pretium tabellarii hic omne persolutum est, quod, cum ad vos scriberem, nondum mihi constabat. Solvimus florenos quatuor et semissem. Si quid a vobis erogatum est id poterit repeti, aut in venturas posthac literas imputari. Quem finem habuerit viri optimi Hogerbetii desiderium scire aveo tum ipsius causa, tum quia ad res alias coniecturam praestabit. Vale mi Frater, et parentes atque amicos obsequiose saluta a me et uxore: etiam Reigersbergium si apud vos est, quem rogo eorum quae scribo notitiam impartias. 6 Ianuarii 1622.

Tui amantissimus Frater
H. Grotius.