Briefwisseling van Hugo Grotius. Deel 2

758. 1622 Mei 27. Aan Willem de Groot¹.

Ad tuas, quas 15 Maii ad me misisti, literas respondeo Frater. De his quae apud Vossium curasti gratias ago. De Eclogis Physicis² placet consilium tuum, ut describas meas coniecturas annotata pagina et versu, easque mihi transmittas. Ita libro carere facile potero. Abrahamum Milium³ a me salvere cupio; quod ni scriberes quaestum ipsum ex mercatura facere, cupivissem explorari eius animum an huc transferre familiam vellet, non cariturus magnis amicitiis. Hexabiblon⁴ meum videre aveo. In titulo nihil mutandum. In libello ad Rotterodamenses⁵ annos de industria non expressi, neque id fieri oportet: nam si ad hunc diem postulem iam causa data recusandi videbitur; si ad sententiam usque, videbor temporum distinctione quae in me acta sunt agnoscere. Itaque ἀδιορίστως concipienda fuit postulatio: illi solvant ad quod videbitur tempus, id enim nobis non oberit. Smoutio⁶ ne nimium credite. De lite bonorum vix quicquam spero. Est ars patricia⁷ nos eo modo lactare. Milii⁸ causa gaudeo cum illi mollius exsilium obtigit; quod ut norit, meque nihil non paratum ipsius causa facere, vos rogo. Mitto tibi exemplum diplomatis⁹ quod nostri exsules me commendante a Rege obtinuerunt. Poteris describendum Nicolao Reigersbergio dare. Dicitur Rex ad se traduxisse Sullium et Fortium¹⁰. Colloquia de universali pace lente procedunt, intento Rege in occasiones belli et privatarum pactionum, quo vim factionis dissolvat. Miror nihil intelligere me de Drentiana lite¹¹. Puto non esse monendos de honorario pro opera in litem ipsorum insumpta. Si quid dederint, ut aequum, usui mihi erit ad domum instruendam. Conduxi e regione Principis¹². Audio Catsium Veenhusii generum¹³ obtinuisse pro se sententiam contra Waremundanum¹⁴. Ego memini me in ea causa multum laborasse. Si quid honorarii offeret,

1 Gedrukt Epistolae p. 764.

2 Zie p. 191 n. 9.

3 Zie I p. 271 n. 8.

4 Bewijs van den waren godsdienst; zie p. 26 n. 6.

5 Zie p. 168 n. 2.

6 De gewezen predikant van Rhoon, Adriaan Smout.

7 Lees ‘patria’.

8 Cornelis van der Myle.

9 Zie p. 202 n. 1.

10 De hertog van Sully en de Maréchal de la Force.

11 Zie p. 165 n. 9; p. 167 n. 8.

12 In den ‘Faubourg St. Germain, vis à vis de l'Hotel du Prince de Condé’.

13 Theophilus van Cats, heer van Heilo, gehuwd met Deliana van Brederode, dochter van Reinoud van Brederode, heer van Veenhuizen, den schoonzoon van Oldenbarnevelt.

14 Jacob van Wassenaer, heer van Warmond.

[p. 216]

ne id quidem recusandum erit. De pecunia regia nihildum accepi. Ad fratrem Reigersbergium scripsi cupere me ut editio¹ quantum fieri potest celeretur. Quod hactenus eam distulit eius rei causae a me fuerunt. Cura ut Gallica versio simul cum editione Belgica procedat, utque exemplaria vos Belgica accipiatis satis multa; ego autem Gallica. Mora ulterior absit. Saluta patrem, matrem et amicos. Lutetiae 27 Maii 1622.

Tuus
H. Grotius.

1 De Verantwoording; zie p. 76 n. 1.