Briefwisseling van Hugo Grotius. Deel 2

872. 1624 Jan. 21. Aan Jan en Willem de Groot¹.

Oculi, mi Pater, ac Frater, valent rectius. Pro literis quas dedistis ipsis novi anni Calendis, proque voto quantas possum ago gratias. Rogo autem ut quoties aliquid occurrit lectu dignum, eius me aut ipsi edoceatis aut operam detis ut per alterum fiat. Ea enim ex re mea hic existimatio non minima ex parte pendet. Custodem sigillorum nunc factum Aligrium² conveniam ubi a primis salutantium undis liberas aedes habere coeperit. Videbimus an usui mihi sit futura eius amicitia. Interim siquid se spei bonae ἀπὸ Κίμβρων ἢ ἐπιθαλασσίων πόλεων τινος³ obtulerit, deliberabimus. De Irenopoli⁴ enim multi non bene ominantur, verentes ne fiat πονηρόπολις, qualem Philippus Macedo olim condidit⁵. Sed tamen ne huic quidem negotio praeiudicandum est. Eobaldo Dussenio felicem precor reditum ad honores quasi postliminio⁶. Mansfeldium iam excessisse agro Oostfrisiae intellexeram et partem copiarum caesam. Hac quoque de re certius velim edoceri. Petrus noster totus adhuc in malis suis iacet, corpore partim suffuso, partim extabescente, ita nihil eius valeat praeter cor et caput, quod ipsum graviores ei dolores facit. Deus illum et nos respiciat misericors. Cupum⁷ saepe monui ne in patriam iret. At ille ad Penelopen suam trahebatur. Discemus ab hoc experimento ecquid aequitatis ab Amstelodamensibus contra edictorum rigorem sperari debeat. Bredana illa motio⁸ mali est exempli in Republica pridem nullo tali morbo laborante. Siquid ultra acciderit perscribi ad me velim. Et urgeri Hillebrandum⁹: est enim tardiusculus. Pecuniam a Nicolao Reigersbergio accipere poterit. Spes hic est matrimonium Angli cum Hispana¹⁰ evaniturum. Nam et qui in utriusque Aula gratia pollent inter se dissident, et restitutionem Palatinatus urget Britannus aliquanto quam ante calidius. Hic pacem firmam habemus,

1 Gedrukt Epistolae p. 772.

2 Zie p. 326 n. 3.

3 Κίμβροι is Denemarken; zie p. 299 n. 3. ἐπιϑαλάσσιοι πόλεις Hamburg, Bremen enz.; zie p. 341.

4 Friedrichstadt in Holstein; zie p. 321 n. 3.

5 Plutarchus, Moralia 520 B.

6 Eewout Jacobsz. van der Dussen, die in Delft in de regeering zat; zie p. 324 n. 4.

7 Zie p. 325 n. 2.

8 Zie p. 321.

9 Misschien Hillebrand Pieters, een expediteur in Rotterdam, die ook in de Brieven van Maria van Reigersberch (p. 247) voorkomt; zie p. 157 n. 3.

10 Zie p. 76 n. 3.

[p. 330]

conspirante in eius tutelam Cancellario¹ et Sigilli Custode². Rex militem extraordinarium dimittit, veteres centurias quae id fuerant quod dicebantur, ad tricenarium numerum militum accidit. Aliud habemus nihil. Ego in opere meo³ strenue pergo. Vale, parens optime et frater carissime, cum vestris nostrisque omnibus. Lutetiae 21 Ianuarii 1624.

Rogo frater Maurerio hanc det epistolam⁴: quae nuper quia tempus me deceperat curata non est. Scire velim an mansurus sit Falcoburgius⁵, an huc rediturus, et quando et siquid tale. De Drentiano negotio⁶ velim frater meminerit.

Tibi obedientissimus filius
H. Grotius.

1 Nic. Brulart de Sillery; zie p. 326 n. 3.

2 Et. d'Aligre.

3 De iure belli ac pacis; zie p. 254 n. 14.

4 N^o. 873.

5 Zie p. 261 n. 1.

6 Zie p. 165 n. 9.