Refereinen en andere gedichten uit de XVIe eeuw

verzameld en afgeschreven door Jan de Bruyne

[p. 105]

- CXIII - [Och! menschen, hoe moechdy dus glorieren]aant.

Och! menschen, hoe moechdy dus glorieren
in steken, tornooyen & mommeryen,
costelycke bancketten, om triompheren
met Venus dierkens in diversche partyen?
Dits al dryfsant, datmen siet lyen
als den weerhaen, die met alle winden keert,
geen vasticheyt hebbende in geender syen.
Maer Paulus seyt: elck dit van hem keert;
verre soo moet van my syn, ja, & ondeert,
dat ick een ander blyschap soude maken
dan int cruyce Christi, seer hooge vermeert;
waer doer wy ter saligheyt mogen genaken.
Wat is van sweirels samblant oft sulcken saken?
Ten is niet goddelyc, maer wt sweirels ramodt,
dwelck haest sal eynde nemen; wilt hier op waken.
Sweirels samblant is als dryfsant: niet sonder Godt.

[p. 106]

 

Wat mocht u baten, ghy menschen bepeyrelt,

 

dat ghy tgoet van coninck Alexander hadt,

 

& onder u subjectie die heel weirelt,

 

sonder de vreese Godts, dwelck is eenen schadt

 

& dbeginsel der wysheyt, om te weten badt

 

hoe wy ons ter salicheyt souden generen?

 

Wat is oock sweirels triomphe plat,

 

dan enckel dryfsant, nae Salomons vercleren?

 

De weirelt sal u haten, wilt dit ontbeeren,

 

spreckt Christus; maer in my suldy troost vinden.

 

Menschen, hoe moechdy dus loopen wtter heeren,

 

duer sweirels samblant, dat u mocht schinden?

 

Hebt alleen vertrouwen, vercoren vrinden,

 

opden gecruysten Christum, tis dbeste lot,

 

die om ons geleden heest veel swaer allinden:

 

sweirels samblant is als dryfsant: niet sonder Godt.

 

 

 

Alle den triomphe, die ter weirelt mach wesen

 

en is niet te gelycken by des Heeren werck,

 

dwelck niet en vergaet, als sweirels samblants vesen,

 

dat al dryfsant is; neemt hier op merck.

[p. 107]

 

Want die heden triompheert, met moede sterck,

 

duer sweirels samblant, is haest verdreven.

 

Maer verblyt u inden Heere, tsy leec ost clerck,

 

alsoo ons Paulus claerlyck heeft beschreven:

 

die om onser salicheyt is op geheven

 

aen dat hout des cruysen, sonder respyt,

 

hier in behoort elck mensche te scheppen jolyt;

 

want hier duer heeft hy verwonnen thelsche rot.

 

Maer wat hier buyten geschiet in desen stryt,

 

sweirels samblant is als dryfsant: niet sonder Godt.

 

 

 

prinche.

 

 

 

Inden triomphe, die Christus voortbracht,

 

behooren alle menschen wel blyde te syne,

 

doen hy vander doot verrees, duer tgoddelyc cracht,

 

& verloste die gevangen daer ten fyne,

 

dier gelegen hadden langen termyne

 

in den duysteren kercker onreene,

 

eer sy ingaen mochten des hemels schyne,

 

die daer geopent wordt voer ons gemeene.

[p. 108]

 

Dus elck scheppe hier verhuegen in alleene;

 

want hier doer wy comen syn ten benouwe;

 

maer die op sweirels samblant staet, comt in weene,

 

ten is maer dryfsant, soo ickt bat aenschouwe.

 

Al datter mach geschien in sweirels landouwe

 

van keysers, coningen, ick segt sonder spot,

 

allen hun voortstellen is, soo ickt u ontvouwe:

 

sweirels samblant is als dryfsant: niet sonder Godt.

Het Maryen Cransken tot Brussele.