Grimbergse oorlog

(1852-1854)–Anoniem Grimbergse oorlog– rechtenstatus


[vs. 4154-4209]aant. Doen aldus sinen standaert Mijn heer Arnout hadde bewaert Van Grimbergen ende bestiert 't Volc, ende gevisiert
[pagina 187]
Sine scare aldaer hi helt Buten Grimbergen op dat velt, 4160.[regelnummer] Ende elc onder sine baniere, Bleef hi stille houden sciere, Ende beide sire vianden dair, Die toe quamen openbair Sere vastelike getrect, Wel ghewapent ende verdect, Op grote orsse overtoghen. Doen quam sterc ende wel vermoghenGa naar voetnoot4167 Haer waertsman, die hadde onderweghenaant. Die van Grimbergen overslegen, 4170.[regelnummer] Hoe si hilden daer gescaert, Met vier scaren wel bewaert, Met ontploken baniere wale.Ga naar voetnoot4172 Doen sprac die here van Wesemale: ‘So horic wel dair af den scijn, Dat si vluchtich niet en sijn; Maer my dunct si willen dueren Ende genieten der aventueren. Nu laet ons sonder langer beiden Ons scare vaste gereiden,
[pagina 188]
4180.[regelnummer] Want het 's vele meer dan tijt Dat wy beginnen nu den strijt; Elc sie dat hi bereet sy Nadien dat sy ons sijn so by.’ Doen ginc die here, sijt seker das,Ga naar voetnoot4184 Van Wesemale, die maerscalc was Van den lande van Brabant, Ende maecte vier scaren ter hant. In elcke scare vijf duysent manGa naar voetnoot4188 Gewapent ende halsberch an; 4190.[regelnummer] D'orsse groot ende vermogen, Wel met wapen overtogen. Die here van Diest geleide doe D'eerste scare; d'ander daer toe Geleide die here van Bierbeke; Die derde geleide sekerleke Mijn heer Henric van Rotselaer.Ga naar voetnoot4196 Die vierde scare daer naerGa naar voetnoot4197 Geleide die here van Craynhem, Ende die maerscalc selve met hem, 4200.[regelnummer] De here van Wesemale, die ter side Wesen woude tien tide;
[pagina 189]
Daer was menich spere ende sweert, Menich ors, menich peert, Ende menich man, vrome ende coene.Ga naar voetnoot4204 Men beval ten desen doene Den standaert op sijn ere Te voeren den stouten here Van Wemmele, hem ende sinen magen, Die daer dienden met groote slagen.	voetnoot4167 Doen quam heer Waertsman onghelogen, Die de heere van Grimberghen hadde ghesien, Ende vertelden hem daer met dien, Hoe die van Grimberghen hielden gheschaert. voetnoot4172 Met omlokender bannieren. Doen sprack die heere van Wesemaele schiere: ‘So hoirick wel dat sy niet En willen vlien, wats gheschiet; Maer willen genieten der aventuren. Ick wille wy ons te deser heure, Vaste bereyden ende schaeren; Want het meer dan tijts waere, Dat elck man nu bereyt sy, Nae die sy. voetnoot4184 Heere van Wesemale, Die maerschal was, wet wale. voetnoot4188 Aen elck wasser wel vijf dusent: Die eerste die gaf hy in hant Dien heere van Diest ende syne maegen; D'ander gaf hy, hoorde ick ghewaegen, Van Bierbeke, die heere stout, Met menighen man coene ende bout, Die wel daden op dien dach. Die derde gaf hy sonder verdrach. voetnoot4196 Hendrick. voetnoot4197 Die met menighen man quam daere Helpen den jonghen hertoghe. Die vierde schaere, als ick betooghe, Gaf hy den heere van Craynhem; Selve was hy oock met hem Aen die selve schaere gheschaert Met menighen man onvervaert, Die goet was in alle stryde. Oock brachten sy in allen zyden Menich spere, menich sweert. voetnoot4204 Ende menighen vromen coenen man. Daer nae weert bevolen dan Dien heere van Wemmele ende syne maeghen Dat sy den standaert wilden draeghen, Dat sy herde geerne deden. Doen al dat volck op de stede Gheschaert was ende wel bereyt.

Vorige Volgende

[vs. 4154-4209]aant.