Cyrurgie

Dye ghene die venin ghenomen heft ofte ghedroncken.

Die ghene die venin ghenomen heeft ofte ghedroncken. Int erste nemt warme water daerin minghet olie ende dat gheeft hem drincken des smorghens ende doetene keeren tweewarf deen naer dander maer enige luden drincken melc met oliën ende boeter properlic want

dat saft van der quaetheit des⁺ venins. Ende men merke naer dat wat teekin dat comt in den lichame want ghevalt hem cortsen ende rootheit des ansichten ende gheelheit des oeghen. ende quaden stanc ende roke des monts men sel hem gheven in drancke vercoelende dinghen ende blusschende. ende eist dat hem vercranct die slaep ende hem verschenheit openbare. men gheven (l. gheve) hem in dranken heete dinghen alse medicine van assa ende diere ghelike. Ende het helpt den ghenen seer die hem ducht datti venin in ghenomen heeft in drancke ghenomen dicken fighen ende noten ofte hi neme alle morghen stonde Tyriaca magna galieni cum terra sigilata want die propertheit van die medicinen es alsmen ducht dat venin es in der spijsen. Dat ment hute leit met⁺ keerne. Ende als men drincket dat venijn des sincopis ghevalt en perlic den ghenen diemen helpen mach ende dat ane de craft stect eist van quaden venine contrarie der complexie der herten alse die substancie luttel helpt ende die cuere men neme basnar dat weder staet.

+ C 58d.

+ †

[p. 181]

ende ic ebt gesien dat weder stont nape pollen dwelke dat is van den arsten venine. Ende somtijts helpt hem diamuscus ende

⁺Tyriaca magna galieni ende diaciminum (l. -cuminum) al.

+ C 59a.