Cyrurgie

Cap. 10.
⁺¶ Dits va(n) gevacke(n) af geslage(n) sond(er) been e(nde) metten bene e(nde) dore¹⁾.

Men slaet dicken .1. gevac van den hoefde met enen stucke vanden herssenbeckene ende niet toten herssenen. ierst so pelt dat stuc vanden bene van den vlesche. ende vernuut de wonde daerna ende ⁺screepse so dat si bloede²⁾. Daerna so nayt se ende begint in die ⁺rechte middewert. ende stect op elke side enen steke naerder dan vingers naer³⁾. Ende heefse van meer te doene so stecse. ende emmer laetse onder open daer dat etter uut mach lopen. ende daerin ⁺stect wiexkine. Ende wacht dat gise niet en stect so lange dat dbeen verdroge⁴⁾. Ende opten naet so legt van den vorseiden pulvere welc dat gi best hebt. ¶ Ende of dat stucke so na ware af geslagen dat geen [natuer of geen L] voetsel en mochte hebben het en verstorve ende vertechde⁵⁾. so geneset metten [roden L] pulvere dat roelandijn wijst. ende met zalven alse swerte zalve of agrippa. dewelke staet int boec die men heet antitodarius ende nicholauis ende es der speciers boec. Ende emmer so legt boven u plaester enen polu dewelke die duwet tgevac ant herssenbecken. ende dat niet te zere. want te groet bedwanc mochte weren dat voetsel te comene ter⁺ wonden. Ende emmer sijt vorsien op al uwe curen. wat datter op mach comen. ende daeran so legt al uwen talent. dats al u gepeins. so datmen niet en mach seggen van u anders dan goet na der waerheit. [na uwer macht bedy die verdient datmen quaet van hem zeghet hij verliest zine goede name sijn werc ende sine neringhe bedy men vertrecket .1. dinc altoes argere dant es ende men vertrect houdene ene quaetheyt dan eene duecgt⁶⁾ vele meesters heeft mer vanden dye niet en plaghen te nayene noch ne consten. Ende zy vonden .1. vac afghesleghen ende daer tbeen aan was zij peildent ute onderwilen ende onderwilen betekent zijt dair ome ende danne waest een lanc ende zomwilen en gheneest det nemmermeer Ende teghen al zulcke cueren wacht u. Want zij zijn bedrie[g]lijc ne ware dat ghevac af oft omme gesleghen sonder been⁺ ende weder op gheleyt sonder naeyen ende dat wel gepulment

+ C 10d.

1) C: Van ene vacke of geslegen tot den dura mater toe. G: Vanden vacken of gheslaghen aldus. L: van enen vake met vleische of ghesleghen dat hanghet.

+ G 13c.

2) L: Ende scertse ende doetse bloeden. G: eenen steke naere den vynghers na.

+ †

3) C: die steke een vinger breet. L: ende laetse tusschen elken knoep een vingher breet viten daer die eller uut gaen mach.

+ L 150c.

4) L: Ende wacht wel dat ghise niet ontsteket so diep dat been daer niet of en verdroghet

5) L: rotte

+ G 13d.

6) lees: deugd.

+ G 14a.

[p. 26]

ende gebonden dat vergadert onderwilen ne ware het maect eene lelike lixeme hier omme zijt wel bedacht in al uwe curen Ende wel voresien wiselike dat ghij niet en wordt gheblammeert alsoe na alse ghij moghet soe doet uwe mach dats mijn raet. G]