Belgisch museum voor de Nederduitsche tael- en letterkunde en de geschiedenis des vaderlands. Deel 6

[p. 67]

Privilegien gegeven aen het begynhof van Hoogstraten in 1388.

Wy Jan Van Kuyc, Heere van Hocstraten, doen cond ende kenlijc allen lieden met desen openen brieve, dat Wy overmids gonste ende begherte, die Wy hebben toet Onsen beghijnhove van Hocstraten, dat in der eeren Gods ghebetert ende ghemeerdert mach worden, Wy ende Onse nacomelinghe oec moghen worden ghesalecht, soe gheven Wy Jan van Kuyc, Heere van Hocstraten voirs. voir Ons ende voir Onse nacomelinghen, sonder enych wederzeggen, den voirs. beghijnhove vrijheden ghelijc hierna volghen ende beschreven sijn. In den [eersten] soe gheven Wy ende orloven, dat int voirs. beghijnhof wonen moghen, los vry ende quite, toet eeweghen daghen, van allen settinghen ende onluste, die Onse ander goede lieden, binnen Hocstraten, Ons of Onse nacomelinghen gheven, oft doen mochten, in wat manieren dat dat sijn oft gevallen mochte, dertiene vrouwen persoen, waer dat sij in Onsen lande gheseten waren, ende dair toe also vele andere vrouwen personen als van buten Onsen lande int vors. beghijnhof willen comen wonen, beghijntz leven dair inne te leidene, ghelijc als men doet in andren goeden eersamen beghijnhoven, ende dair na ordinantie houdende ende hebbende, in allen manieren, dat men in andren goeden eersamen beghijnhoven hout ende heeft, met zulke voirwaerden ende manieren, dat elc van den voirs. dertienen personen die ghegoet sal sijn toet acht zesteren erfrogts¹,

1 Acht sisters rogge erfelyk bezet.

[p. 68]

oft daer boven van iaerliker renten, oft die werde dair af, in anderen goede bewisen sal den voirs. beghijnhove na sijn¹ doot een zester rogts erflijx ende iaerlijx pachts, were oec dat zake dat die voirs. persoen met des hoifts rade² int voirs. beghijnhof iet tymmerde, oft ander goet dair aenleide, dat soude heme³ afslaen van den voirs. zestere rogts erfpachts, ende die tymmeringhe oft dat goet sal hi⁴ gebruken sijn lijf lanc⁵ in beghijnleken levene, ende na sijn doot salt bliven den voirs. beghijnhove. Ende die ghegoet sal sijn toet vier zesteren rogts erflijx ende jaerlijx pachts, oft die werde daer af, sal den voirs. beghijnhove bewisen na sijn doot een halster rogts erfpachts ende iaerlijx. Ende dair na die boven ende beneden gheghoet zellen sijn toet acht zester rogts toe, ende altemale ghelijc voirs. is, zellen inbringhen int voirs beghijnhof met alzulker voirwaerden dat van allen voirs. renten de helft sal bliven der Capellen, hair mede⁶ te houdene ende te beteren, ende des ghelijc die ander helft den beghijnhove. Wair dat zake dat die Capelle des hoefs te doene hadde⁷ dan sout dhof der Capellen in staden staen ende te hulpen comen, ende des ghelijc die Capelle den hove, ende altoes met Onse rade, oft met Ons poirt rade⁸ van Hocstraten. Ende want Wy willen dat allen voirs. voirwaerden ende pointen tot eewighen daghen, zonder enich wederzegghen van Ons oft van Onse nacomelinghen, vaste ende ghestede bliven, soe hebben Wy Onsen zeghel in orconde der waerheit, alle arghlist butgesproken⁹, aen desen brief gehangen, begherende voertane aen Onse

1 Sijn, voor haer, en zoo ook meermalen hierachter

2 Met des hoifts rade, met overleg des hofs, des beggynhofs.

3 Heme, voor haer.

4 Hi, voor si.

5 Sijn lijf lanc, haer leven lang.

6 Hair mede, om zich daer mede.

7 Te doene hadde, van doen had, noodig had.

8 Poirt rade, stadsraed.

9 Butgesproken, buiten gesproken, verbannen.

[p. t.o. 69]

Bl: 69
Zegel der Heeren Van Kuyk.

[p. 69]

scepenen ende poirtte van Hocstraten, dat si allen voirs. pointen den voirs. beghijnhove met Ons orloven ende consenteren willen, ende oec mede bezeghelen. Ende Wy Scepenen ende Poirt van Hocstraten voirs., overmids wille ende verzuecke Ons liefts ende ghenedichs heer van Hocstraten voirs., ende oec om dat die eere Gods dair mede ghemeerdert sal sijn, soe orloven ende consenteren Wy allen zaken ghelijc sy voirscreven sijn, ende hebben in kennessen der waerheit met Onsen ghenedighen heer van Hocstraten voirs. dezen brief open bezeghelt met Onsen ghemeynen zeghele. Ghegheven int iaer ons Heere dusent driehondert tachtenticht ende acht, des vrijdaeghs na Tsheilechs Sacraments dach, op ten neghen ende twintichsten dach der maent Meye.

Het origineel, geschreven op perkament, waeraen twee zegels hangen, berust in de archiven van het Beggynhof van Hoogstraten. Dit stuk bewyst dat Gramaye zich misgrepen heeft met te zeggen dat dit Beggynhof eerst in 1433 door Francis Van Borselen aengelegd zy.

C. STROOBANT, Pr.