Den nieuwen lust-hof

(1602)–Michiel Vlack– rechtenstatus


Nieu liedt, op de voys: Brande Matresse. Och waer ick sonder treuren Ick songh een vrolick liedt, Moght my mijn lief ghebeuren, Soo waer ick uyt 'tverdriet Mijn droefheydt soud' ick scheuren Want schoonder weet ick niet. Als Helena ghepresen In schoonheydt excellent Soo is mijn lief van wesen Gheen schoonder hier ontrent Haer schoonheydt uytghelesen Doet mijn jonck hert torment Wat baet doch al mijn claghen, Zy acht het doch als wint Ick kan haer niet behaghen
[pagina 28]
Het goet heeft haer verblint Al can zijt niet me draghen Dies word ick niet bemint. W ilt liefken overdencken Dat 'tgoed ter wereld blijft, En dat de ziel kan krencken En anders niet bedrijft, Veel quellingh salt u schencken, Den twist het zeer verstijft. Of ghy wel creeght de croone Van rijckdom triumphant En mist ghy den persoone Ghy mist den besten pant Wat hebdy dan ten loone Als rijckdom vliet van kant? Ten is niet al gheleghen In's wereldts grooten schat Loopt u 't gheluck eens teghen, Wat hebdy dan te bat V ghelt min heeft ghekreghen Verdienst na wercken wat. Princes laet my ghewinnen Eens troost, soo't u behaeght Want liefde doet my minnen V suyverlicke Maeght Ick sal u noch besinnen Al word ick nu verjaeght. Elck kan falen.
Cruys-veers. Soo vvie om 'tgelt,,zijn lief behaeght, Die vvord om 'tgelt, maer niet om 'tvel Ghetrout: maer haest, te laet beclaeght Als elck een roept ,het mijn blinckt vvel.