Den nieuwen lust-hof

Nieu lied, tsamen sangh eens vryers en vrysters,

op de voys: Alemande lonnette.

Vryer.

O Venus hoogh ghepresen
Hoe langhe salt noch zijn
Dat ick sal moeten wesen
Door liefde in dees' pijn,
Mijn liefkens schoon aenschijn
Dat corrumpeert mijn sinnen

[p. 29]

 

 

 

 

Cupido doet my minnen

 

V schoonste bloeme fijn

 

 

 

Vryster.

 

Het schijnt ghy zijt beladen

 

Met druck in swaer verdriet

 

Al door Cupidos daden

 

die u doet minnen siet

 

En acht vrou Venus niet

 

Maer wilt u selven keeren

 

En laet u niet verheeren

 

't Zy watse u ghebiedt.

 

 

 

Vryer.

 

Het schijnt ghy spreeckt met reden,

 

Maer 'tis niet in mijn macht

 

V schoonheydt in u seden

 

Heb ick te veel gheacht,

 

dies doen ick u mijn clacht

 

En wilt my lief verheuen

 

Een woord van troost doch gheuen

 

voor treuren dagh en nacht.

 

 

 

Vryster.

 

Wat troost wilt ghy ontfanghen

[p. 30]

 

Van een daer ghy me spot

 

En hebt dies gheen verlanghen

 

Al ben ick slecht in bot

 

Nochtans so ken ick 'tslot

 

V smeecken in u preecken

 

En uwe loose treecken

 

Daer voor bewaer my Godt.

 

 

 

Vryer.

 

Noyt heeft my soo verdroten

 

Als nu te leven goedt,

 

Cupido heeft gheschoten

 

Mijn hert en al mijn bloet

 

Nochtans mijn liefste soet,

 

Die hout my loghenachtigh,

 

Daer ick nochtans waerachtigh

 

Haer eer bemin met spoet.

 

 

 

Vryster.

 

Men heeft al eer gheweten

 

Van valsche Minnaers fel,

 

Als zy tot hun vermeten

 

Ghecomen waren wel,

 

So vielen zy rebel.

 

Eneas heeft bedroghen

 

Zijn Dido, en ghetoghen

 

Is hy van Libien snel.

 

 

 

Vryer.

 

Leander daer en teghen

 

Heeft zijn Princesse schoon

 

Ghesocht door diepe weghen

 

In Zee als vrint idoon

 

Moght ick om u persoon

 

Oock dwalen in groot lyden

 

Om namaels te verblyden

 

Soo sou ick wachten loon.

 

 

 

Vryster.

 

O Prins, O Jonghman rustich

 

Bemint u Lief correckt

 

In jonst in eeren lustich

 

Want dit de jonst verweckt,

 

Gheveynstheydt laet bekeckt

[p. 31]

 

Soo mooghdy prospereren

 

Met haer oock gaen spanceren

 

Daer u de liefde treckt.

Finis.

Elck kan falen.

De liefd' en can,,hoe stercken man

Vervvinnen noch ghekeeren,

VVanneer zy dan,,in't hert neemt an,

Soo brenghtse veel verseeren.

Zy toont haer cracht,,Cupidos macht

Doet menigh treurigh leven

Dees pijn ontsacht,,die vvordt versmacht

Als liefliefs loon vvilt gheven.

Maer comt envy,,en stelt party

Daer liefde hoort te vvesen,

Zoo is in ly,,een zy en hy
Een vvondt quaed om ghenesen.

Elck kan falen.