Kleyn liedtboecxken

[Wilt ghy in Godt wesen gheheel]

Na de wijse: Van die Coningh van Denemerck. Ofte: Ghy Christen hoort dit cleyn vermaen.

VVIlt ghy in Godt wesen gheheel,
Soo houdt Godt alleen voor u deel,
Godt wil niet bekent wesen,
Dan in hem selleven te meel
Een wesen aller wesen.

Daerom soo leert alle dingh in

Sijn selfs natuer kennen, met min,
Soo sult ghy niet vertasten,

[p. 268]

 

Vereenicht u wil met Godes sin,

 

Soo sijt ghy weerde gasten.

 

Van u selven, in Godt veraert,

 

Vergodet uwen sinnen,

 

Wat Hemels is hebt lief en waert,

 

Stelt daer op alle u minnen.

 

Siet vast op God die voor u staet

 

En niet op't geen dat ghy verlaet,

 

Soeckt God, in God vercooren,

 

Als hy u ziel aenspreeckt ter maet,

 

Soo wilt hem terstont hooren.

 

Stelt u niet voor eenigh aertsch beelt,

 

Sulcx te minnen van Godt afscheelt,

 

Lieft alleen sijn gheboden,

 

Bemint ghy't gheen de werelt deelt,

 

'Tsijn waerlijck u Afgoden.

 

Hebt ghy Gode lief inder daet,

 

Draeght tot u eyghen liefde baet,

 

Kent Godt in't gheestlijck leven,

 

V eyghen kennisse ontstaet,

 

Wt Godts kennisse even.

 

Godt is alleen 't eeuwighe goet,

 

Sonder Godt ist niet watmen doet,

 

Wilt God, in God reyn dienen,

[p. 269]

 

Die Hemelsche spijs lief en soet

 

Voedet die ziel allienen.

 

In God leven en sweven wy,

 

Sijn aert maeckt ons van sonde vry

 

Vaert op al van der aerden,

 

Tot den Hemel daer Gode sy,

 

Ghy sult nae't Hemels aerden.

 

Een God'lijck mensch, en mach niet zijn

 

Dan aen sijn eyghen afcomst fijn,

 

Sijn oorspronck moet hy houwen,

 

Hy is van bovn niet uyt stijn,

 

Op God staet zijn betrouwen.

 

Die mensch is boven die natuer,

 

Ende Godt boven die mensch puer,

 

God moetet al regeeren,

 

Heer geeft ons na die laetste uer,

 

Met u te tryumpheeren.

Na beter.