Kleyn liedtboecxken

Een Liedeken ende Brief in malcander ghesloten.

Na de wijse: Van den acht-en-sestighsten Psalm.

TY wilt reeck'nen als Coopman wijs,
Men, crijcht goe waer voor weynich prijs,
Classen, wil nae dees vreugheden,
Honigh, is soet verlaet den schijn,

[p. 265]

 

Ick, denck 't wesen sal soeter zijn,

 

Danckt, Godt prijst hem met deughden.

 

V, lof hem niet behaegh'lijck wert

 

Van, mondt en lip sonder het hert,

 

Het, zijn Phariseens saken,

 

Liet, ghy het woordt en hielt de kracht,

 

Dat, is uyt u in Godt ghetracht,

 

Ghy, soudt soetigheydt smaken.

 

Mijn, vriendt op Godt en niet u staet,

 

Hebt, en houdt hem, u selfs versmaet,

 

Ghemaeckt, wesen can niet dueren,

 

Waer deur, zijt ghy versekert nu,

 

Dat, is van Godt en niet van u,

 

Ick, weet wel die Schrifture

 

Wordt ghedronghen, menigherhandt,

 

Om, elck te dienen tot sijn kant,

 

Vwer liefden, ick dees saken,

 

Een mael wijse tot u ghemoet,

 

Liet, ghy het quaedt en hielt het goet,

 

Weerom, soudt u soet smaken.

 

Te, recht u hert voor Godt bereydt,

 

Schencken, sal hy kracht en wijsheydt:

 

Want, wilt ghy tot hem keeren

 

Van gantscher herten, in dit dal,

 

Ick, weet dat hy sonderen sal

 

V, in sijn wil en leere.

 

Alle goet, comt van Godt den Vaer,

 

Wensche, wilt niet oft comt van daer,

 

Wilde, ghy u versaken,

[p. 266]

 

Wel, soud' die sake niet u staen,

 

Mits-desen, segh ick onbelaen,

 

Dat ghy, soetheydt soudt smaken

 

Eens, ghesint sijt als Pauwelus,

 

De, welck den sin had van Christus

 

Kracht Godts, en niet u eyghen,

 

In u hert, en sin altijdt prent.

 

Te recht, u tot den Heere went,

 

Mocht, ghy u herte neyghen

 

Te ghevoelen, wat Godts wil waer,

 

Op, u self siet en op gheen aer,

 

Dat, zijn seer goede saken,

 

Hier, in wordt ghy ghestaft of kroont,

 

Soo, ghy u voortaen soo betoont,

 

V, hert soudt soetheydt smaken.

 

Leven, wilt soo't den Heer behaeght,

 

Onveranderlijck, hem nae jaeght,

 

In een, ghemoet versleghen.

 

Godt, alleen hier met sijn Gheest woont,

 

Salighe wandelingh, betoont,

 

Endet, alsoo u weghen,

 

Wordt, u sin totten Heer ghekeert,

 

Vaert, 'tghemoet op en niet er eert,

 

Wel, te recht sult ghy smaken,

 

In ghesontheydt, al na den gheest,

 

By, u wat Godts wil is gheweest,

 

Mijn, vriendt wilt hem ghenaken.

 

Peter, noch meter geldt gantsch niet,

 

Ian, Claes te noemen 't is gheschiet,

[p. 267]

 

Soon, Dochter wordt verscheyden.

 

Sy, deden dit door onverstant,

 

Bet, de waerheydt in u hert plant,

 

Van, Godts gheest laet u leyden,

 

Hooren, sult ghy comt in mijn Rijck

 

Woonachtigh, daer't duert eeuwelijck,

 

Op, 'tHooft soud een kroon raken,

 

De, cleeren witter dan een scheep

 

Fullers-Weel, water as of seep,

 

Amen, soo claer niet maken.

Na beter.