Het Brussels moeselken

[Laet ons met Bacchus gaen ter streyt]

Stemme. Amour tu me faict trop souffrir. &c.

Laet ons met Bacchus gaen ter streyt,        Bis.
Die maeckt de droefheyt licht verbleyt,
Wilt desen streyt beminnen,
Drinckt elck een dronck om te beghinnen.        Bis.

2. Hier en verliest-men, been, noch arm,        Bis.

Gheen droef gheluyt, noch droef ghekarm,
Dommelt hier in ons ooren,
Lost eenen teugh, en wilt u niet stooren.        Bis.

[p. 371]

 

3. Neemt elck op uwen vyant acht,        Bis.

 

Die ghy om-leegh te brenghen tracht,

 

Ey, laet de kan niet rusten,

 

Maer vol-doet u, en onse lusten.        Bis.

 

4. Siet hoe dat onsen streyt, Godt streyt,        Bis.

 

Met naeckte leên, en tot ons seyt,

 

Mint gheenen staet, oft prachten,

 

Drinckt elck eens om, 'ksalt mé verwachten.        Bis.

 

5. Neemt dan ter handt het grof gheschut,        Bis.

 

Dat is hier tot ons bystant nut,

 

Daer mé soo eynt het streyden,

 

Noch elck een snel eer dat wy scheyden.        Bis.

'k Laet twist, en streyden die 'thun lust,

'k Min streyt, duer 'tnat, de droefheydt blust,