✠ Vanden Bien ende Hummelen des Landts
Dat xxxv. Capittel.
DRiederhande gheslacht Byen syn in dat lant. Die eerste syn seer gelijck die Byen int gemeen hier syn. Die ander sijn swert ende groot, ghelijck als die grote vliegen, Die derde syn clein als muggen, oft cleyn vliegen, dees byen hebben haren honich in holle boomen, ende ick heb dickwils wetten wilden den honich wt geheuen van allen drien geslachten, dat wy gemeenlick beteren honich by de cleynste vonden dan by de andere, sy en steken oock niet so seer gelijck die Byen hier te lande, want ick dicwils gesien heb dat die wilden den honich langen ende dat de byen op haer vlogen, ende datse ghenoech af te strijcken hadden vanden naeckten lijue, oock heb ick selfs den honich naeckt gelangt, maer ick moeste dat eerstmael van grooter wedom in dat water loopen, ende de Bien daer in af wasschen, anders en const ickse niet quijt worden vanden lyue.
Auteursrechtvrij