Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

Vanden voghelen des lants
Dat xxvi. Capittel.

DAer sijn oock veel selsame vreemde voghelen daer in dat Landt, een gheslacht ghenaempt: D wara Pirange, die hebben haer voyeringe by der Zee, nestelen op de clippen die daer liggen vast byden lande, is by na so groot gelijck een hoen, het heeft eenen langen beck, ende benen, by na ghelijck eenen Reyger, maer niet al wt so lanck, ende heeft de natuere, die eerste vederen die den iongen wt wassen syn wit grauw daer nae als sy vlucht worden, sijn sy swert grau daer mede vliegen sy dan by cans een iaer, dan veranderen haer die selue vederen ende den gansen vogel wert so root, als eenige roode verwe

[fol. L2v]

is, so blijft hi dan, sijn groot geacht by die wilden.