Eenderley vleyrmuysen des landts, hoe sy die lieden des lants des nachts inden slaep inden teenen vanden voeten ende in dat voorhooft biten.
Dat xxxiiij. Capittel.
DAer syn vliermuysen van eender manieren, die grooter syn, dan die hier in Duytschlant sijn, die vliegen des nachts inden hutten om die nesten daer die lieden in slapen, ende als sy ghewaer worden, dat de menschen slapen ende haer laet gewerden vliegen sy by die voeten, ende bijten eenen mont vol oft sy bijten int voorhooft, ende vliegen dan wederom wech. Doen ick onder die wilden was, beten sy my dickwils aen de Tenen der voeten dat ick wacker wert, ick sach die tenen bloeyende, maer sy bijten die wilden ghemeynlijck int voorhooft.
Auteursrechtvrij