Uvaerachtige Historie ende beschrijuinge eens Landts in America gheleghen, wiens inwoonders Wilt, Naect, seer godtloos, ende wreede Menscheneeters zijn

¶ Berecht van sommighe dieren in den lande.
Dat XXXI. Capittel.

DAer sijn int landt Rechte bocken ende geyen gelijck verkennen so groot vanden twederley gheslacht, die een is seer by gelijc die recalueren hier int lant die ander clein gelijck als ionghe verckens heeten Teigasu dattu ende en sijn niet seer ghoet te vanghen in die val die de wilden ghebruycken om wilt te vanghen. Daer sijn oock dryderley meercatten die een heeten Key, ende sijn die hier te lande comen. Dan isser een soorte heeten Ackakey springen ghemeinlijck met grooten hoopen op die boomen, maken een groot gerucht ende geschrey int hout oft bosch. Ende daer is noch eenderhande gheslacht van meercatten die heeten Prickidie sijn root hebben baerden ghelijck suyghen ende gheyten sy sin soo groot ghelijck een middelbaer hont. Oock heeft-

[fol. L1r]

men daer eenderley gedierte, de heeten Dattu, dat is omtrent een span hoge anderhalf span lanc, dat is gewapent al ront om dat lijf, wt genomen den buyc daer heuet niet, de wapen is gelijc horen, sluit op malcanderen met vouwen, gelijc een harnas, ende heeft eenen langen scherpen mondeken, eenen langen steert gaet gaerne opte steen clippen om, syn spijse sijn muysen, het heeft vet vleesch, ic heb dicwils daer af geten.